Энэ сарын 24-25-ны өдөр зарим аймгийн нутгаар цасан шуурга шуурна
Цаг уур, орчны шинжилгээний газраас энэ оны 02 дугаар сарын 24-25-ны өдрүүдэд Завхан аймгийн хойд, зүүн, Хөвсгөл аймгийн өмнөд, Архангай аймгийн хойд хэсгээр, төв, зүүн аймгуудын нутгаар цас орж, цасан шуурга шуурч, нутгийн өмнөд хэсгээр хүчтэй салхи шуургатай байх төлөвтэй байгаа талаар анхааруулсан.
Иймд эдгээр өдрүүдэд цасан шуурга шуурч, зам даваа хаагдаж, үзэгдэх орчин хязгаарлагдаж, халтиргаа гулгаа нэмэгдэж болзошгүй тул мэргэжлийн байгууллагаас гаргаж байгаа зөвлөмжийг дагаж, болзошгүй аюулаас урьдчилан сэргийлэх, онцын шаардлагагүй тохиолдолд ойрын болон холын замд гарахгүй байх;
Зайлшгүй шаардлагаар ойрын болон холын замд гарах тохиолдолд техникийн найдвартай бүрэн бүтэн байдлыг хангаж, шатахууны нөөц, багаж хэрэгсэл, дулаан хувцас зэрэг хувийн бэлтгэлийг сайтар хангаж, замын нөхцөлд хурдаа тохируулан хөдөлгөөнд оролцох:
Иргэд, малчид аливаа эрсдэлээс урьдчилан сэргийлж, малаа ойрын хариулгатай байлгах;
Өндөр настан болон хөгжлийн бэрхшээлтэй иргэн, бага насны хүүхдийг хараа хяналтгүй орхихгүй байх, цаг агаарын хүнд нөхцөлд малын араас явуулахгүй байхыг цагдаагийн байгууллагаас анхааруулж байна.
Холбоотой мэдээ
Сэтгэгдэл ( 0 )