Б.Дашпүрэв: Ойрын 2-3 сарын хугацаанд АИ-92 түлшний үнэ нэмэгдэхгүй
АҮЭБЯ-ны төрийн нарийн бичгийн дарга Б.Дашпүрэв шатахууны асуудлаар мэдээлэл өглөө.
Энэ үеэр тэрээр "60 ам.доллар байсан газрын тосны үнэ 110 ам.доллар хүртлээ өслөө. Хөрш, зэргэлдээ улс орнууд бүгд бодлогын хэрэгжилтийг хангаж, үнийн өсөлтийг нэмэгдүүлж байна, ажлын өдрөө багасгаж байна, төсөвтөө тодотгол хийх зэрэг олон аргуудыг хэрэглэж байна. Монгол Улсын Засгийн газар хийж хэрэгжүүлэх арга хэмжээний төлөвлөгөө боловсруулах ажлын хэсгийг Тэргүүн Шадар сайдаар ахлуулан гаргасан. Энэ хүрээнд өчигдөр газрын тосны бүтээгдэхүүн импортлогч компаниудын төлөөлөл, Монгол банк, Сангийн яам, Гадаад харилцааны яам гэсэн өргөн бүрэлдэхүүнтэйгээр бид уулзалтыг хийлээ.
Үүсээд байгаа нөхцөл байдалтай холбоотойгоор дизель түлшний үнийг тодохой хэмжээнд нэмэгдүүлэх буюу 1000-1500 төгрөгийн нэмэгдэл бий болгох зайлшгүй шаардлага бий болоод байна гэдгийг удаа дараа мэдэгдсэн. АИ-92 төрлийн бүтээгдэхүүний хувьд тогтмол байна. Ойрын 2-3 сард энэ асуудал яригдахгүй. Хангалт найдвартай байгаа гэж ойлгож болно. Дэлхий дахины нөхцөл байдалтай уялдуулан үе шаттай үнэ нэмэгдүүлэх асуудал яригдаж магадгүй" гэлээ.
ДЭЛГЭРЭНГҮЙ ҮЗЭХ
Сэтгэгдэл ( 0 )