Хуурайшилтын үед ил гал түлэхгүй байхыг анхаарууллаа

Онцгой байдал болон цаг уурын байгууллагаас хаврын хуурайшилтын үед ил гал түлэхгүй байхыг онцгойлон анхаарууллаа. Одоогийн байдлаар хуурайшилтын түвшин дараах байдалтай байна.

Нэн хуурайшилтай: Ховд, Говь-Алтай, Дорноговийн зарим газар, Увс, Баянхонгор, Өвөрхангайн өмнөд хэсэг, Өмнөговийн ихэнх нутаг.

Их хуурайшилтай: Баян-Өлгий, Сэлэнгэ, Хэнтий, Дорнод, Сүхбаатар, Говьсүмбэр, Дундговийн ихэнх нутаг, Говь-Алтай, Баянхонгор, Дорноговийн хойд хэсэг, Өвөрхангай, Хөвсгөл, Төв аймгийн зарим хэсэг.

Дунд зэргийн хуурайшилтай: Завхан, Баян-Өлгийн хойд, Увс, Төв аймгийн нутгийн зарим газар.

Хаврын хуурайшилтын үе зургаадугаар сарын 10-ны өдрийг хүртэл үргэлжилнэ. Иймд иргэд, малчид та бүхэн ой хээрийн бүсэд зорчихдоо галын аюулгүй байдлыг чанд сахиж, ил гал гаргахгүй байхыг анхаарууллаа.