Нүцгэн мисс өөрийгөө 30 мянган ам.доллараар үнэлэв

“Miss Mongolia-2006” тэмцээний тэргүүн мисс Э.Сэлэнгэ дэлхийд нэр хүндтэй “Miss World-2006” тэмцээнд эх орноо төлөөлж явсан бүсгүй. Азийн хатан хаан Г.Оюунгэрэлийг уйлуулан “Титэм гардсан даруйдаа шүүгч нарын машинд суугаад явсан” гэж хэлэхэд хүргэж байсан тэрбээр мисс болоод тэгтлээ мандсан удаагүй. Загварын тайзан дээр гунхахаа больсон Э.Сэлэнгэ нэг хэсэг гадаадад амьдарч, чинээлэг эрхмийн хүүтэй дотноссон гэх мэдээлэл тархаж байлаа.

Гэвч бүтэлгүй дурлалаас үүдсэн сэтгэлийн шаналан нь түүнийг нүцгэн биеэ “худалдах” хэмжээнд хүртэл нь зовоогоогүй л байлтай. Гадаадын нэгэн сайтад өндөр үнээр нүцгэн зургаа авахуулсан эрхэм мисстэн маань эх орондоо ирсэн даруйдаа дахин нүцгэлээд авсан. Амьдрахын тулд хөлс хүчээ зарцуулан байж хөдөлмөрлөх нь түүнд хэцүү санагдсан уу, яасан. Боломжийн мөнгө амласан хэний ч өмнө нүцгэлэхэд бэлэн яваа Э.Сэлэнгэд миссийн титэм үнэгүйдсэн бололтой. Мэдээж, хялбар аргаар олж авсан учраас тэгтлээ их үнэтэйд тооцогдохгүй байх л даа.

Хуруугаа ч хөдөлгөхгүй сууж байгаад баяжих гэсэн мисс Э.Сэлэнгэ “30 мянган ам.доллар өгвөл нүцгэлнэ” хэмээн зарлаж эхэллээ. Тэгтлээ их галбир сайтайд тооцогдохооргүй түүний нүцгэн бие ийм үнэд хүрдэг болжээ. Ёстой л нүцгэн мисс, хямдхан титэм гэдэг энэ байх даа.

С.Цахиур