Рио Тинто АНУ-ын литийн төсөлд 10 сая ам.долларын хөрөнгө орууллаа

Рио Тинто компани АНУ-ын 90 жилийн түүхтэй “Борон” литийн уурхайн төсөлд 10 сая ам.долларын хөрөнгө оруулж байгаагаа албан ёсоор зарлалаа. Ингэснээр сүүлийн жилүүдэд Америкийн дотоодын зах зээлд өсөн нэмэгдэж буй литийн эрэлтийг хангах болно гэж мэдээлжээ. “Борон” уурхай өнгөрсөн жилийн хугацаанд бор олборлож дахин боловсруулсан шил, гоо сайхны хэрэгслийн гол зах зээлийг хангаж байсан юм.

Рио Тинтогийн тооцооллоор литийн нөөц хангалттай байгаа ч төслийн урьдчилсан шатны судалгаа эхлээгүй байна. Одоогоор “Тесла” компани төслийн эхний шатны судалгаа ямар гарахаас шалтгаалан хамтран ажиллахаа шийднэ гэж мэдээлж байна. Хэрэв төслийн судалгаа үр дүнтэй гарвал “Тесла С” загварын 15 мянган загварыг хангах хэмжээний олборлолт хийх магадлалтай байгаа билээ.  АНУ-ын Лос Анжелес хотоос зүүн хойд зүгт 160 км-ын зайд орших “Борон” уурхайн төслийн эхний шатанд 10 сая ам.долларын хөрөнгө оруулж, жилд 10 тонн литийн карбонат гарган авахаар төлөвлөсөн байна. Одоогоор АНУ-ын нутаг дэвсгэрт Невада Албермарлын “Мөнгөн оргил” уурхай л литийн карбонат олборлодог цор ганц уурхай билээ.

Рио Тинто компани Сербийн нутагт орших “Жадар” литийн уурхайг 100 хувь эзэмшиж хөрөнгө оруулаад байгаа юм. Төслийн урьдчилсан шатны судалгаа ирэх жил эхэлж 2024 оноос эцсийн бүтээгдэхүүн олборлож эхлэх төлөвлөгөөтэй байгаа билээ.