Сэлэнгэ аймаг орох, гарах хөдөлгөөнөө ТҮР ЗОГСООЛОО

Сэлэнгэ аймгийн Онцгой комисс өнөөдөр буюу гуравдугаар сарын 23-ны өдрийн 00:00 цагаас эхлэн гуравдугаар сарын 26-ны 06:00 цаг хүртэл 72 цагийн хугацаатай халдвартай бүс нутаг буюу Улаанбаатар, Дархан-Уул, Завхан, Төв, Архангай, Өвөрхангай, Увс, Хөвсгөл аймгаас ирж буй иргэдийг аймгийн Онцгой комиссын шийдвэр гартал Сэлэнгэ аймаг руу нэвтрүүлэхгүй байхаар шийдвэрлэлээ. 

• Халдвартай бүс нутаг руу Сэлэнгэ аймгийн иргэдийг Сэлэнгэ аймгаас гаргахгүй бөгөөд харъяаллын дагуу өөр аймаг орон нутгийн иргэдийг гаргана.
   
• Халдвартай бүс нутгаас ирж буй Сэлэнгэ аймгийн харъяат иргэдийг PCR шинжилгээний хариуг үндэслэн нэвтрүүлэх бөгөөд ирсэн иргэдийг 7 хоног тусгаарлана.
   
• Сумдын Онцгой комиссын дарга нар зорчих иргэдийн асуумж, зөвшөөрлийн хуудсан дээр хаана очихыг нь тодорхой заасан тамгатай, гарын үсэгтэй бичгээр үйлчилнэ.
   
• Зайлшгүй буюу хүндэтгэн үзэх шалтгаантай тохиолдолд голомттой бүсээс ирж байгаа иргэдийг түргэвчилсэн шинжилгээнд хамруулан нэвтрүүлнэ.
   
• Постуудын бүртгэл судалгааг чанаржуулж, хяналт шалгалтын үйл ажиллагааг сайжруулж, эрчимжүүлэхийг сумдын Онцгой комиссын дарга нарт үүрэг болголоо.

Эх сурвалж: АЙМГИЙН ОНЦГОЙ КОМИССЫН ШУУРХАЙ ШТАБ