ХӨВСГӨЛ: Мөрөн суманд дахин хоёр хүнээс ХАЛДВАР илэрлээ

Хөвсгөл аймгийн Мөрөн сумын Шуурхай штабаас мэдээлж байна

(2021 оны гуравдугаар сарын 26-ны байдлаар)

Гуравдугаар сарын 24-ний өдөр Хөвсгөл аймгийн Мөрөн сумын 2 иргэний PCR-ийн шинжилгээний хариу ЭЕРЭГ гарч, улмаар гуравдугаар сарын 25-ны өдөр 2 тохиолдол, өнөөдөр буюу гуравдугаар сарын 26-ны өдөр 2 тохиолдол нэмэгдэж, нийт 6 тохиолдол Мөрөн суманд батлагдлаа.

Сумын Засаг даргын А/53-р захирамжийн нутаг дэвсгэрт Коронавирусын халдварын шинэ тохиолдол бүртгэгдсэн тул Аймгийн Онцгой комиссын даргаас өгсөн үүрэг, чиглэлийн хүрээнд гамшгаас хамгаалахаар 2021 оны гуравдугаар  сарын 24-ний өдрийн 23:00 цагаас 2021 оны гуравдугаар сарын 29-ний өдрийн 06:00 цаг хүртэл хугацаанд иргэдийн сумаас гарах, орох, сум доторх хөдөлгөөнийг хязгаарлалаа.