ӨГЛӨӨНИЙ МЭНД!

Өнөөдөр 2023.04.06. Энэ жилийн 96 дахь өдөр ба он дуустал 269 хоног үлдлээ.

Монгол эх оронд маань нар 06 цаг 21 минутад мандаж, 19 цаг 28 минутад жаргана.

Улаанбаатар хотод. Өдөртөө 0 хэм, шөнөдөө 12 хэм хүйтэн байна. Та хувцсаа тохируулж өмсөөд гараарай.

Өнөөдөр Хөгжил, энх тайвны төлөөх спортын олон улсын өдөр, Зам засварын олон улсын өдөр тохиож байгаа бол Өмнөд Африкийн Бүгд Найрамдах Улс Үндэслэгчдийн өдөр, Индонез Загасчдын баяр, Киргиз Биеийн тамир, спортын ажилтнуудын өдөр, Литва Замын хөдөлгөөний аюулгүй байдлын өдрийг тэмдэглэж байна.

Энэ өдөр Италийн зураач, архитектор Рафаэль, Францын шог зохиолч Жан-Батист Руссо, загасны аквариумыг зохион бүтээсэн Филип Хенри Госсе, Финландын цаначин Таня Поутиайнен, Америкийн жүжигчин Элиза Куп, Олимпын 4 удаагийн аварга тэшүүрчин Антуанетта де Йонг нар хорвоод мэндэлжээ.

Энэ өдөр дэлхий дахинд болсон онцлох үйл явдлаас танилцуулбал:

1652 оны энэ өдөр Голландын аялагч Ян Ван Рибек Өмнөд Африкт Кейптаун цайз байгуулав.

1748 онд Италийн Помпеи хотын туурь олдов.

1772 онд Оросын хатан хаан II Екатерина сахалд татвар ногдуулахыг цуцалжээ.

1896 оны энэ өдөр Афин хотноо орчин цагийн анхны Олимпын их наадам нээгдэв.

1897 оны энэ өдөр Занзибарт боолчлолыг хоригложээ.

1938 онд химич Рой Планкетт тефлоныг нээв.

1985 оны энэ өдөр АНУ-ын иргэн Уильям Шрёдер эмнэлгээс хиймэл зүрхтэй гарсан анхны хүн болжээ.

2009 онд Италид 6.3 магнитудын хүчтэй газар хөдөлсний улмаас 307 хүн амиа алдав.

2012 оны энэ өдөр Азавад тусгаар тогтнолоо зарлав.

Үс шинээр үргээлгэх буюу засуулбал өлзийтэй сайн.

Өнөөдрийн ажилд тань амжилт хүсье!