ӨГЛӨӨНИЙ МЭНД!

Өнөөдөр 2023.04.12. Билгийн тооллын 22. Монгол эх оронд маань нар 06 цаг 10 минутад мандлаа. 19 цаг 37 минутад жаргана.

Улаанбаатар хотод үүлшинэ. Өдөртөө 10 хэм, шөнөдөө -4 хэм. Та хувцсаа тохируулж өмсөөрэй.

Өнөөдөр Боливд Хүүхдийн өдөр.

Энэ өдөр “Алтан Бөмбөрцөг” кино наадмын гурван удаагийн шагналт жүжигчин Клэйр Дэйнс, телевизийн алдарт “Хаус” цувралын од, жүжигчин Женнифер Моррисон, Олимп болон Европын аварга, Оросын гүйлтийн тамирчин Юрий Борзаковский, Аргентины хөлбөмбөгч Николас Бурдиссо, Бразилын хөлбөмбөгч Луис Адриано зэрэг алдартны мэндэлсэн өдөр.

Энэ өдөр Монгол Улсын түүхэнд болсон онцлох үйл явдлууд:

1914 оны энэ өдөр Улсын хурлын газрыг байгуулахыг хүсэж, айлтгасныг Богд хаан зөвшөөрөн, бичиг цохжээ.

1938 оны энэ өдөр Өрөмч хотод Гоминданы ноёрхлыг ард түмэн түлхэн унагаж, хувьсгалт засаг тогтов.

1956 оны энэ өдөр “Хятад, Монголын 1956 оны соёлын хамтын ажиллагааны ажлын төлөвлөгөө”-нд Бээжин хотод гарын үсэг зуржээ.

2004 оны энэ өдөр Замын-Үүд-Бээжингийн хооронд тогтмол цагаар явах олон улсын аяллын автобусыг албан ёсоор явуулж эхлэв. Үүнтэй холбогдуулан Замын-Үүд-Бээжингийн хоорондох олон улсын засмал замыг нээжээ.

Өнөөдөр дэлхий дахинд болсон онцлох үйл явдлууд:

1955 оны энэ өдөр АНУ-ын эрдэмтэн Жонас Салк хүүхдүүдэд дуслаар өгөх поли вакциныг туршиж, хөгжүүлж эхлэв.

1961 оны энэ өдөр ЗХУ-ын “Восток 1” сансрын хөлгөөр Юрий Гагарин сансарт ниссэн билээ. Юрий Гагарин сансарт ниссэн дэлхийн анхны хүн болон түүхэнд нэрээ үлдээсэн юм.

1981 оны энэ өдөр АНУ-ын Сансар судлалын Шаттл хөтөлбөрийн хүрээнд “STS-1” хөлөг хөөрчээ. Ийнхүү Шаттл хөтөлбөрийн үйл ажиллагаа эхлэв.

1992 оны энэ өдөр хүүхдийн паркийн үйлчилгээ эрхэлдэг Диснейлэнд компани “Евро Диснейлэнд” компани байгуулж, Францын Парис хотод соёл амралтын хүрээлэнг нээжээ.

Өнөөдөр үс засуулвал Идээ ундаа элбэг олдоно.

Эл өдөр луу, бич жилтнээ аливаа үйлийг хийхэд эерэг сайн бол могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр худалдаа арилжаа хийх, бизнес эхлэх, хүү сангийн эх татах, эд агуурс авах, зээл авах, арвижуулах, дэлгэрүүлэх үйлийг эхлэх, лусыг тахих, хүүхэд үрчлэн авах, урлан бүтээхэд сайн. Харин улааны үйл, төлгө тавих, морь уралдах, сэтгэлд сэвтэй газар очиход муу. Өдрийн сайн цаг нь хулгана, үхэр, туулай, морь, бич, тахиа.

Хол газар явах бол зүүн урагш мөрөө гаргаад аян замдаа гараарай.

Өнөөдрийн ажилд тань амжилт хүсье.