ӨГЛӨӨНИЙ МЭНД!
Өнөөдөр 2023.04.13. Билгийн тооллын 23. Монгол эх оронд маань нар 06 цаг 08 минутад мандлаа. 19 цаг 38 минутад жаргана.
Улаанбаатар хотод ялимгүй хур тунадастай. Өдөртөө 3 хэм, шөнөдөө -2 хэм. Та хувцсаа тохируулж өмсөөрэй.
Өнөөдөр Дэлхийн рок-н-роллын өдөр, мөн Ургамалд талархал илэрхийлэх олон улсын өдөр тохиож байна. Канадад өнөөдөр Ягаан өнгөний баяр, Тайландад Сонгкран шинэ жил, Эквадорт Багш нарын баяр, Энэтхэгт Ургацын баяр, Чад улсад Үндэсний өдөр.
Энэ өдөр АНУ-ыг үндэслэгчдийн нэг Томас Жефферсон, дэлхийд анхны тэрэг зохион бүтээсэн Ричард Тревитик, харилцаа холбооны утас бүтээсэн Антонио Меуччи, радар зохион бүтээсэн Шотландын физикч Роберт Уотсон-Уатт, дэлхийн шатрын аварга Гарри Каспаров зэрэг алдартан мэндэлжээ.
Энэ өдөр дэлхий дахинд болсон онцлох үйл явдлууд:
1111 оны энэ өдөр V Хенрих Ариун Ромын эзэнт гүрний эзэн хаанаар өргөмжлөгджээ.
1923 оны энэ өдөр Лондонд “Уэмбли” цэнгэлдэх хүрээлэн ёслол төгөлдөр нээгджээ.
1941 оны энэ өдөр хуучин ЗХУ, Японы хооронд үл довтлох гэрээ байгуулав.
1943 онд Вашингтонд Томас Жефферсонд зориулсан хөшөө босгов.
1962 онд домогт “The Beatles” хамтлаг “Star Club”-т анхны тоглолтоо хийжээ.
1970 оны энэ өдөр сансарт анхны осол гарав. “Аполлон-13” сансрын хөлөгт хүчилтөрөгчийн баллон дэлбэрчээ.
1997 оны энэ өдөр Тайгер Вуудс Мастерс тэмцээнд түрүүлсэн хамгийн залуу гольфчин болов.
2017 онд АНУ Афганистаны Нангархар мужид асар том цөмийн бус бөмбөг хаяжээ.
Өнөөдөр үс засуулвал Эд эдлэл, идээ ундаа олдоно.
Эл өдөр тахиа, могой жилтнээ аливаа үйлийг хийхэд эерэг сайн бол үхэр, луу, хонь, нохой жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр хууль цааз гаргах, батлах, хэрэглэх, хулгай дээрмийг номхотгох, гэмтнийг шийтгэх, мал адгуус номхруулах, лус тахих, мал арилжих, буг дарах, газрын ам бооход сайн. Харин цөөрөм байгуулах, байшингийн суурь тавих, угаал үйлдэхэд муу. Өдрийн сайн цаг нь бар, туулай, могой, бич, нохой, гахай.
Хол газар явах бол баруун зүгт мөрөө гаргаад аян замдаа гараарай.
Өнөөдрийн ажилд тань амжилт хүсье.
Холбоотой мэдээ
1.jpg)
Сэтгэгдэл ( 0 )