ӨГЛӨӨНИЙ МЭНД!

Өнөөдөр 2023.04.19. Билгийн тооллын 29. Монгол эх оронд маань нар 05 цаг 56 минутад мандлаа. 19 цаг 47 минутад жаргана.

Улаанбаатар хотод үүлшинэ. Өдөртөө 2 хэм, шөнөдөө 0 хэм. Та хувцсаа тохируулж өмсөөрэй.

Өнөөдөр Венесуэлд Тусгаар тогтнолын хөдөлгөөн эхэлсэн өдөр, Бразилд Зэвсэгт хүчний өдөр, Польшт Хоморголон устгалтад өртөгсдийг дурсах өдөр тохиож байна.

Энэ өдөр Холливудын жүжигчин, найруулагч Жэймс Франко, “Алтан Бөмбөрцөг” наадмын шагналт жүжигчин Кэйт Хадсон, Английн хөлбөмбөгч, хаалгач Жое Харт, Талбайн теннисний их дуулгын таван удаагийн аварга, Оросын талбайн теннисчин Мария Шарапова зэрэг алдартан мэндэлжээ.

Энэ өдөр Монгол Улсын түүхэнд болсон чухал үйл явдлууд:

1973 оны энэ өдөр БНМАУ-ын Гэр бүлийн шинэ хууль батлагджээ.

1975 оны энэ өдөр БНХАУ, БНМАУ-ын Засгийн газрын хооронд харилцан бараа нийлүүлэх протоколд Улаанбаатар хотноо гарын үсэг зурав.

2011 оны энэ өдөр “Гал үндэстэн холбоо”, “Монголын гол нууруудын нэгдсэн хөдөлгөөн”-ийнхөн Сүхбаатарын талбайд морьтой жагсаал хийсэн билээ.

Өнөөдөр дэлхий дахинд болсон чухал үйл явдлууд:

1975 оны энэ өдөр Оросын Капустины хойгоос Энэтхэгийн анхны хиймэл дагуул “Арьяабхатта” хөөрчээ.

1987 оны энэ өдөр алдарт “Симпсоныхон” хүүхэлдэйн цуврал анх удаа дэлгэцнээ гарчээ.

2011 оны энэ өдөр 1961 оноос хойш Куба улсыг удирдсан Фидель Кастро Кубын коммунист намын нэгдүгээр нарийн бичгийн суудлаасаа өөрийн хүсэлтээр татгалзав.

Өнөөдөр үс засуулвал Сүлд тэнэж одно.

Эл өдөр гахай, туулай жилтнүүд аливаа үйлийг хийхэд эерэг сайн бол могой, морь жилтнээ сөрөг муу нөлөөтэй тул элдэв үйлд хянамгай хандаж, биеэ энхрийлүүштэй. Эл өдөр эм, эмнэлгийн элдэв үйл, хагалгаа хийлгэх, биеийн тамирыг сэргээх, угаал үйлдэх, мал худалдан авах, мал түгээх, хийморийн дарцаг хатгахад сайн. Харин сахил санваар авах, хануур төөнүүр хийлгэх, уул овоо тахихад муу. Өдрийн сайн цаг нь бар, туулай, могой, бич, нохой, гахай.

Хол газар явах бол урагш мөрөө гаргаад аян замдаа гараарай.

Өнөөдрийн ажилд тань амжилт хүсье.