“Мөөм” Зулаа титэм мөрөөдөөд ч бүтсэнгүй

“С1” телевизийн “Шоубиз” нэвтрүүлгийг хагас нүцгэн шахуу хөтөлдөг байсан энэ бүсгүй өдгөө чөлөөт цагаараа ажил хийдэг болсон гэх. Томоохон шоу цэнгээн, арга хэмжээнд ёс мэт очдог түүний тухай элдэв нүцгэн зураг, этгээд сонин хувцаслалтай нь холбож ярихаас өөрөөр хэтэрдэггүй юм билээ. Том хөхтэй царайлаг бүсгүй хагас нүцгэн зургуудаа сонин, сэтгүүлд тараахын сацуу эротик маягийн сурталчилгаанд хүртэл тоглоод авсан. Рок поп, загварын бүсгүйчүүдтэй нөхөрлөх дуртай хөтлөгч Зулаа барилгын компанийн захирал хэмээн өөрийгөө рекламдсан ч итгэх хүн олдоогүй.

Хийж бүтээсэн ажлаасаа илүү том хөхөөрөө олонд танигдсан тэрбээр урьд нь “Miss Mongolia-2005” тэмцээнд өрсөлдөж явснаа ярих дургүй аж. Уг тэмцээнд мисс Б.Гэрэлчулуун хоёр дахь удаагаа оролцоод ч титэм гардаж чадаагүй бол, мисс Б.Гантогоо тэргүүн байрт заларчээ. Харин “мөөм” Зулаа ямар нэгэн өргөмжлөл хүртэж чадалгүй хоцорсондоо шаралхаж, дахин миссийн тэмцээнд оролцохгүй гэж өөртөө тангарагласан гэдэг.

Сонирхуулахад, мисс Б.Гэрэлчулуун “Miss Mongolia” тэмцээнд дөрөв дэх удаагаа оролцож байж сая нэг юм титэм гардсан түүхтэй. Харин хөтлөгч бүсгүйд түүн шиг “даагаа нэхэх” сонирхол даанч байгаагүй юм гэнэ лээ.

С.Цахиур