П.Шүүдэрцэцэгийн мөрөөдөл хүн бүрт таалагдах албагүй

"Гэнэтийн бэлэг" романтик жүжигт тоглохоор зэхэж буй жүжигчин П.Шүүдэрцэцэг дэлгэцийн бүтээлээр олонд танигдсан бүсгүй. Харин энэ удаа романтик инээдмийн болон хөгжимт драммын жүжгийн төрлүүдийн нэгдэл буюу мюзиклийн төрөл рүү дөхүүлж хийхийг хичээсэн “Гэнэтийн бэлэг” түүний сонирхлыг ихэд татжээ. “Киви” хамтлагийн ахлагч Д.Уламбаяр, УДЭТ-ын жүжигчин Б.Нармандах, Г.Отгонцэцэг, жүжигчин Б.Ууганбаяр, “Гайз” хамтлагийн дуучин Д.Лхагва нартай хамт уг жүжигт тоглох болсондоо ч баяртай яваа гэсэн.

Энэ маягаар уран бүтээлийнхээ сонин хачныг дэлгэж, хуримын хувцастай зогсч буй зургаа өөрийн цахим хуудсанд тавьжээ. Эгэл жирийн амьдрал, амар амгаланг эрхэмлэж буйгаа илэрхийлсэн жүжигчин бүсгүйг зарим хүмүүс шүүмжилж “Жүжигчин хүн энгийн байна гэдэг байж боломгүй зүйл. Өөрийн дуртай мэргэжлээр ажиллаж байгаа гэсэн атлаа яагаад энгийн амьдрал хүсээд байгааг чинь ойлгохгүй байна” хэмээн эгдүүцсэн аж. Гоо сайхны мэс засал хийлгэсэн, жүжиглэх авьяасгүй хэмээн өөлж гоочилсон хүмүүст зориулж шүлэг хүртэл зохиогоод авсан П.Шүүдэрцэцэг энэ удаад маргалдахыг хүсээгүй бололтой. Мэдээж хэрэг, жүжигчин бүсгүйн мөрөөдөл хүн бүрт таалагдах албагүй учраас энэ бүхнийг хувь хүний сонголт гэсэн нь дээр биз ээ.

С.Цахиур