Г.Нарансолонго хөл хүндтэй болоогүй гэв

“Х-Түц” продакшны жүжигчин Г.Нарансолонго хувийн амьдралдаа анхаарал хандуулан гэртээ суугаа. Хамтлагийнхаа тоглолтод оролцохоо больсон түүнийг “Х-Түц”-ээс гарсан, хөл хүндтэй болсон” гэх мэт яриа гарсан ч ямар нэгэн тайлбар хийгээгүй. Тэр ч байтугай, өөрийн цахим хуудаснаа “Намайг долоон сартай жирэмсэн гэж цуураад байна. Би одоо удахгүй төрөх гэж байгаа юм гэнэ ээ” хэмээн бичсэн бөгөөд найзууд нь “Чи тэгээд жирэмсэн биш юмуу” гэж гайхсан аж.

Жүжигчин бүсгүй сүүлийн үед бие барьсан хувцаснаас аль болох зайлсхийж, олны нүдэнд өртөхөө больсон бөгөөд ойр дотныхон нь түүнийг хөл хүндтэй болсон гэж ярьсан нь нууц биш. Харин чухам юуны учир тэрбээр ийн нууцалж буй нь тодорхойгүй байгаа юм. Юутай ч, эхнэрээ гэрийн мухар сахих болсноос хойш “Х-Түц” продакшны жүжигчин Б.Тэмүүжин ч мөн хамтлагаа орхисон гэх мэдээлэл гадуур тархаад буй. Тэднийг жүжигчин Б.Түвшинтөр буюу Төөтөөтэй хамтарч “Эмоци” нэртэй хамтлаг байгуулах болсон талаар мэдээлж буй ч үнэн эсэх нь эргэлзээтэй хэвээр.

С.Цахиур