Хонины махаар эмчилгээний зориулалтаар хэрэглэж болохуйц олон төрлийн шөл хийж болдог байна. Тухайлбал Битүү шөлөн эм, Гурван шимтийн шөл, Олгойн шөлөн эм зэрэг юм...
Тусгай бэлтгэсэн шөл
Хонины махыг жижиглэн хэрчээд хүйтэн ус, сонгино, сармис, давс тэнцүүлэн хийгээд 10-аад минут буцалгаж халуунаар нь уулгах нь тамир тэнхээг нөхөн сэргээдэг. Үүнийг манайхан хар шөл гэдэг.
Битүү шөлөн эм
Махаа жижиглэн хэрчээд шаазанд болон вааран савны аль нэгэнд ус давс хий дарах эмний хамт хийж савныхаа амыг гурилаар таглаж тогоонд ус хийж түүндээ суулган цаг шахам жигнэж болгоно. Ийм битүү шөл нь тамир тэнхээг сайжруулна.
Олгойн шөлөн эм
Хонины олгойг цэвэрлэж дотор нь мах хэрчиж давс ногоогоор хачирлан хийгүй чихэж хийгээд амыг нь утсаар боож чанаж болгодог. Ингэж бэлтгэсэн олгойн шөл настай болон тамир тэнхээ доройтсон хүнд илүү тохиромжтой. үүнийг манайхан олгойн хиам гэдэг.
Гурван шимтийн шөл
Шүдлэн хонины далны маяа борвины яс тойгны ясыг махнаас нь шулж аваад битүү саванд нэг литрээс ихгүй халуун усанд хийж сонгино, давсыг нь тааруулан чанаж болгосон шөлийг гурван шимтийн шөл гэнэ. Энэ шөл архаг өвчинд сайн.
Дөрвөн шимтийн шөл
Хязаалан хонины далны маяа борви тойгны яс болон ахар сүүлний ясыг махнаас нь шулж битүү чанаж болгосон шөлийг дөрвөн шимтийн шөл гэдэг. Ийм шөлийг тамир тэнхээг засахад хэрэглэхээс гадна монгол эм даруулж уух танг хамт буцалгаж уухад эм тангийн чадлыг нэмэгдүүлдэг.
Хонины толгойн шөл
Хонины толгойг битүүгээр нь өвчих буюу хуйхалсны дараа эрүү толгойг нь салган ногоогоор амтлан тагтай сав эсвэл гүзээнд нь битүү чанаж болгосон шөл юм. Ийм шөл толгой дүйрэх оройгоор хатгах таллаж өвдөхөд тустай.
Ясны шөл
Бүхэл хонины ясыг нэгийг ч үлдээлгүй жижиглээд тогоонд чанаж шөлийг нь хандлахыг ясны шөл гэнэ. Яс ойролцоогоор 4 цаг буцалгаж гарсан тосыг нь дахин дахин авч ясны өнгийг цагаан болтол чанасны дараа ясаа авч шөлөө шүүгээд шөлөндөө шаардлагатай эм тангаа хийж зөөлөн буцалгаж өтгөрүүлнэ. өтгөрмөгц нь үрэл болгон салхитай сэрүүн газар хатаагаад бэлтгэсэн үрлээ хоолонд хийж идвэл хоол онцгой амттай болно.
Өвчтэй хүн үрлийг өглөө бүр орноосоо босохгүйгээр нэг cap уувал бөөр нуруу шархирах, чих шуугих, толгой эргэх өвчин эдгэнэ.
Хорхогны шөлөн эм
Хорхог шөлөнд 6 мөч, элэг, уушиг, бөөр, зэрэг 4 цул бүхнээс авч хэрчин амтлаж устай холин сайн сархинаг эсвэл гүзээний булан битүү савны аль нэгэнд хийж хорхогны шөлөө гаргаж авна. Ийм шөл ходоодны илчийг нэмэгдүүлж тамир тэнхээг оруулна. Ийм шөлийг улайтгасан чулуугаар хорхоглож хийж болохоос гадна бүтэн хонины махаар хийсэн хорхогны шөл мөн ижил эмчилгээний чанартай
Хонины махаар эмчилгээний чанартай олон шөл хийдэг
emegteichuud.mn
Холбоотой мэдээ
Copyright © 2010 - 2024 Zindaa.mn Developed by mCast LLC
Сэтгэгдэл ( 1 )
Saihan amttai l baih daa.