Төрийн наадмын түрүү бөхчүүд

Ардын хувьсгал ялж Монгол түмэн эрх чөлөө, тусгаар тогтнолоо олж авсаны баярыг монголчууд бөх барилдан, морь уралдуулж, эрхий мэргэн нь цэцээ сорьж тэмдэглэн ирсэн уламжлалтай. 

1921 оноос хойш буюу орчин цагт хамгийн өндөр амжилт үзүүлсэн тамирчин бол Дархан аварга Бадмаанямбуугийн Бат-Эрдэнэ бөгөөд улсын баяр наадамд нийт 11, мөн Монголын Нууц Товчооны 750 жилийн ойн даншигт түрүүлсэн амжилт үзүүлжээ. Дархан аваргууд болох Хорлоогийн Баянмөнх 10 түрүү, Бадамдоригийн Түвдэндорж 7 түрүү, Жигжидийн Мөнхбат 6 түрүү, Дарийн Дамдин 5 түрүү, Дашдоржийн Цэрэнтогтох нар 4 түрүү, мөн даян аварга Гэлэгжамцын Өсөхбаяр 4 түрүү, даян аварга Агваансамдангийн Сүхбат 3 түрүү, Гунаажавын Эрхэмбаяр 1 түрүү, 1 үзүүр авсан өндөр амжилтуудыг үзүүлжээ.

Аваргын энтэй барилдаж явсан арслан цолтой бөхчүүд ч байлаа. Тэдгээр нь улсын их баяр наадамд 1 түрүүлж, 2 үзүүрлэсэн Төв аймгийн Мөнгөнморьт сумын уугуул Л.Чимэд, Завхан аймгийн Идэр сумын уугуул М.Лхагва, Тосонцэнгэл сумын харьяат С.Шагж нар билээ.

Улсын их баяр наадамд түрүүлж үзүүрлэсэн бөхчүүд /1990-2014/