Сармис гайхамшигтай анагаах чадвартай

 -Ууц нуруугаар нь өвддөг хvмvvс 3-4 хумс сармисыг vрvvлээр vрж жижиглэн самбай даавуунд боогоод сармисны шvvсэнд норсон уг даавуугаараа орой унтахын өмнө ууцаа үрж арчина. Нэг удаагийн курс эмчилгээ 10 хоног бөгөөд биеийн байдлаас хамааран 10 хоног эмчилж болно.

-Нэг хумс сармисыг вазелин буюу ургамлын тосонд хийж лаа маягтай болгоод орой унтахын өмнө шулуун гэдсээрээ шургуулж хэрэглэхэд шамбарам өвчнийг анагаах ач тустай.

-Ханиадны vед 11 хумс сармис, нэг бөөрөнхий сонгиныг литр сvvнд хийж зөөлөртөл нь буцалгаад зөгийн балаар амталж цаг тутамд нэг халбагаар уухад их дvнтэй.

-Арьс, салст бvрхэвчийн шарх шалбархай, тvлэнхий, хавдар, хатиг зэргийг сармисны шvvстэй, давстай уусмалаар шавшихад идээ нь амархан арилж, шарх тvргэн эдгэрдэг.

-Шvд өвдөхөд гавар, сармис хоёрыг нухаж холиод өвдсөн хэсэгт тавихад өвчин намдана.

 -Уушиг, гуурсан хоолойн хурц, архаг vрэвсэл, амьсгалын дээд замын vрэвсэл, ханиад томууны vед сармисны уураар утахад гойд сайн нөлөө vзvvлнэ. Утахдаа сармисны шvvсийг буцалсан халуун усанд эсвэл 0.25 хувийн новокайны уусмалд 1:3-ийн харьцаатайгаар найруулж утна. Утлагыг 8-15 удаа давтана. Хоёр грамм сармисны шvvсийг 100 мл буцалсан халуун усанд хийгээд дээрээс нь 0.5 гр сода хийж уураар нь утвал бvр сайн.

-Гавар, сармис, сонгино гурвыг нийлvvлж нухаад шарх, хатиг зэрэг идээт ба идээ татах шинжтэй хэсэгт тавьж боовол өвчин намдаж, хавдар харьж, идээлэх нь зогсоно.

-Идээ, булаг гоождог чихэнд сармисны шингэрvvлсэн шvvсийг сайтар шvvсний дараа өдөрт 2-3 удаа дусаахад сайн.

-Багтраагаар өвдөхөд хоёр хумс сармисыг бяцалж цайны халбаганы гуравны нэгээр цуу, бага зэрэг зөгийн балтай холиод өглөө бvр өлөн vедээ ууна.

-Ханиад хvрч хамар шархирахад цэвэрлэсэн нэг хумс сармисыг буйлан дээрээ хэсэг хугацаагаар тавина. Зажилж болохгvй.

-Цагаан мах гарахад дөрвөн хумс сармис нухаж бяцлаад цайны халбаганы дөрөвний нэгтэй тэнцэх хэмжээний цуутай хольж буцалгаад хөргөсний дараа өвчтэй газраа тvрхэхэд зовиур шаналгаа алгуур арилна.

-Ганц хуруутахад ямар ч ан амьтны хатаасан цөсийг сармисны шvvсэнд дэвтээгээд бооход гойд сайн.