Үнийн өсөлтийн эсрэг жагсана

Эдийн засгийн хямрал нүүрлэж, иргэдийн амьжиргааны төвшин буурч байхад эсрэгээрээ цахилгаан, дулаан, сургалтын төлбөр, өргөн хэрэглээний бараа бүтээгдэхүүний үнэ нэмэгдэж байгааг эсэргүүцэн Монголын үйлдвэрчний эвлэлийн холбооноос /МҮЭХ/ өнөөдөр 14.00 цагаас жагсаал зохион байгуулахаар болжээ. МҮЭХ-ны удирдлагууд нэг өрхийн зарлага сүүлийн нэг жилийн дотор 9,3 хувиар нэмэгдсэн гэв. Мөн эдийн засгийн хямралтай байгаа үед цахилгаан, дулааны үнийг нэмсэн нь иргэдийн амьдралд багагүй дарамт учруулж буйг онцолсон юм.