Өршөөлийн тухай хуулийн зарим заалт хэрэгжиж эхэлснээр энэ оны долдугаар сарын 2-эны өдрөөс өмнө зөрчил гаргаж эрхээ хасуулсан жолоод нар автомашин жолоодох эрхээ сэргээлгэх боломжтой болсон билээ. Тэгвэл сүүлийн өдрүүдэд Авто тээврийн хэрэгсэл жолоодох эрхээ сэргээлгэх гэсэн иргэд ЦЕГ-ын харьяа Лицензийн төвд дараалал үүсгээд байгаа юм. Тиймээс төв 40 хүнтэй бүрэн бүрэлдэхүүнээрээ өглөө 08.00 цагаас орой 19.00 цаг хүртэл уртасгасан цагаар ажиллаж 19.00 цагаас хойш өдөр нь хандсан иргэдийнхээ материалуудтай танилцаж, эрх сэргээх ажиллагааг явуулж байгаа юм байна.
Түүнчлэн эрх сэргээх ажиллагаанд тодорхой цаг хугацаа заагаагүй учраас иргэд та бүхэн ажлаа алдан өдөржин оочерлох хэрэггүй гэж албаныхан анхааруулж байгаа юм. Мөн хөдөө орон нутгийн харьяалалтай бол орон нутгийн цагдаагийн байгууллага нь эрх сэргээх асуудлыг авч шийдвэрлэж байгаа аж.
Сэтгэгдэл ( 1 )
Би Өршөөлийн хууль гарч хүмүүст ял завших боломж бүрдүүлж байгааг буруу гэж бодож байна. Энэ нь шударга, good citizen буюу сайн иргэнд шударга бус хандаж буй хэрэг юм. Жишээлбэл би жолооч болоод жил гаруй болж байгаа бөгөөд 3 удаа торгуулиад тэр дор 10 хонгийн дотор төлбөрөө төлж байсан. Гэтэл өчнөөн торгуулиад хэзээ ч торгуулиа төлж байгаагүй хүмүүс маш олон байдаг бөгөөд одоо тэд нар цагаадаж байгаа нь шударга бус үйлдэл болж байна. Нийгмийн хэв журмыг зөрчөөд тэрнийхээ төлөө ямар ч хариуцлага хүлээхгүй байна гэдэг бол бэртэгчн хүний шинж бөгөөд амьтнаас ялгарах зүйл алга.