С.Цэрэнчимэдийн байрыг зараагүй гэв

ДАШТ-ний алт, мөнгөн медальт С.Цэрэнчимэдийн байрыг холбогдох албаны хүмүүс ДАШТ-д явсан хойгуур нь зарчихлаа гэсэн таагүй мэдээлэл өнөөдөр олон нийтийн сүлжээгээр тархсан. Тэгвэл БХЯ-ны албаны эх сурвалж энэ мэдээлэл огт ор үндэслэлгүй зүйл болохыг мэдэгдлээ. Албаны эх сурвалж "Төрийн байрыг зарж үрэх ямар ч эрх мэдэл бидэнд байхгүй. Албан тушаалын орон сууцыг зарж үрэх ямар ч гарц байхгүй. Цэрэнчимэдийг дэлхийн аваргад явсан хойгуур нь байрнаас нь ус алдсан. Тиймээс гэр бүлийнхэн рүү нь ярьж түлхүүрийг нь аваад зассан. Үүнээс өөр зүйлгүй. Тийм болохоор энгийн ажлаа хийгээд явж байгаа хүнийг гүтгэхгүй байхыг хүсье" гэлээ.