Насанд хүрэгчид хүүхдийн карт ашиглан нийтийн тээврээр зорчих зөрчил цөөнгүй илэрчээ

Иргэд нийтийн тээврээр “U money” цахим карт ашиглан явж эхлээд багагүй хугацаа өнгөрч байна. Тэгвэл уг үйлчилгээтэй холбоотой асуудлууд ар араасаа гарсаар байгаа юм. Түүний нэг нь насанд хүрэгчид хүүхдийн картаар автобусанд зорчих зөрчил. Өчигдөр л гэхэд ийм зөрчил 29 удаа бүртгэгдсэн байна. Тиймээс Монголын сурагчдын холбоо, “Улаанбаатар смарт карт” карт компанийн зүгээс хүүхдийн картыг автобусны буудлаар зарахыг болиулахаар болжээ. Ингэснээр хүүхдийн картаа авч амжаагүй сурагчид сургуулиараа дамжуулан Монголын сурагчдын холбооноос авахаар болсон байна.Дашрамд дуулгахад, хүүхдийн картаар насанд хүрэгчид зорчсон тохиолдолд картыг нь дор бүр нь хураана гэдгийг сануулж байна.