Элэгний С вирусын шинжилгээ хийх лабораториудыг зарлалаа

Халдварт өвчин судлалын үндэсний төвөөс өчигдөр элэгний С вирусын шинжилгээ хийх албан ёсны эрхтэй лабораториудыг зарлаж, батламж гардууллаа. Хепатит С вирусийн шинжилгээ хийх лабораторийн сонгон шалгаруулалтад нийт 18 байгууллага оролцсоноос 10 газрыг сонгож, ийнхүү батламжилсан байна.

Үүнд, Элэгний төв, Грандмед, Интермед, Сонгдо эмнэлэг, Гялс анагаах ухааны төв, Хаппи веритас, Мед-аналитик, Онкоген, Стандлаб, Итгэл эрүүл мэндийн төв гэсэн 10 байгууллага багтаж, С вирусын шинжилгээ хийх эрхтэй албан ёсны батламжаа ХӨСҮТ-ийн захирал Д.Нямхүүгээс гардан авлаа.