6000 хүний 996 нь элэгний вирустэй байна

 “Оном” сан, Увс аймгийн удирдлагуудтай хамтран “Эрүүл элэг” төсөл хэрэгжүүлж байна. Төслийн хүрээнд   түргэвчилсэн оношлуур ашиглан аймгийнхаа 6000 иргэнд элэгний B,C вирус илрүүлэх шинжилгээг хийжээ. Шинжилгээгээр B вирустэй 431, C вирустэй 541, B болон C вирустэй 24 хүн илэрсэн байна. Энэ нь шинжилгээнд хамрагдсан нийт хүний 996 буюу 16.6 хувь нь элэгний вирустэй байна гэсэн үзүүлэлт юм. 

Төслийн хүрээнд иргэдийн B, C  вирусийг тоолж, зөвлөгөө өгөхийн зэрэгцээ хамгийн хүнд өвчтэй 100 хүнийг эмчилгээнд хамруулах аж. Дараагийн ээлжийн 3000 хүнийг энэ долоо хоногт үзэх юм байна.

Нэмэж мэдээллэхэд манай улсад элэгний C вирусийн халдвартай 150 мянга гаруй хүн байдаг аж. Тэдний 52 мянга нь яаралтай эмчилгээ авах шаардлагатай гэдгийг ЭМСЯ-наас мэдэгдсэн юм. Харин дэлхий даяар С вирусын халдвартай 180 сая хүн байна гэсэн судалгаа бий.  

А.Чимгээ