Алимаар ингэж турдаг гэвэл итгэх үү

Та турахын хүслэн болж байна уу? Тэгвэл амархан хийгээд амттай тураах дэглэмийг санал болгож байна.

Алим нь олон төрлийн ашигтай амин дэм агуулахаас гадна pectin их хэмжээгээр агуулдаг тул холестрины хэмжээг багасгаж тэнцвэржүүлж, ходоод, гэдэс, элэг бөөрийг сайтар цэвэрлэж, 3 өдрийн дотор хүний биед хуримтлагдсан хорт бодис, илүү хаягдлыг гадагшлуулж цэвэрлэдэг байна. Ингэснээр өөхийг хайлуулж тураах, нүүр царай, арисны өнгийг цайруулж, гэгээлэг гэрэлтсэн өнгөтэй болгодог. Энэхүү дэглэмийн эхний 2 өдөр алимыг их хэмжээгээр идэх ба ингэснээр таны гэдэс дотор цэвэрлэгдэж, ойр ойрхон хүндэрч, хөнгөн шингэн болж байгаа мэдрэх болно. 

Эхний өдөр 1:

- Өглөө босонгуутаа 5 ширхэг алим иднэ. Гэхдээ алимыг хүйтэн усаар сайтар угааж гол ясыг цэвэрлээд жижиг зүсэм болгон хэрчиж ойр ойрхон бага багаар яаралгүй идээрэй. Ажлаа хийж байхдаа, зурагт үзэж байхдаа, ном уншиж байхдаа идэж дуусгаж болох юм. 

- Алим идэж байхдаа цэвэр ус бага багаар ууж болно. 

- Өдрийн хоолонд 1 аяга сүү эсвэл чихэргүй органик таргийг 1-2 ширхэг алимтай хамт иднэ. 

- Эхний өдөр тул оройн хоолыг сойж болно. 1 ширхэг алим иднэ. 

 Хоёрдахь өдөр 2:

- Эхний өдөртэй адил 5 ширхэг алимыг цэвэр ус, тараг, сүү зэргийн аль нэгээр хачирлан иднэ.

- Өдрийн хоолонд 1 ширхэг алим, шинэ ногооны салат, майноз, цөцгийгүй ногооны салат жишээ нь лууван, байцааны салат гэх мэт иднэ. Чихэрлэг /чихэрлэггүй/ багатай алимны шүүс, нухаш идэж болно. 

- Оройн хоолыг сойно. 1 ширхэг адим иднэ. 

3, 4, 5 дахь өдрүүд:

 - Өглөө босонгуутаа 3 ширхэг алим иднэ. Ус, таргийг эрчимтэй хэрэглээрэй.

- Эдгээр өдрүүдэд  өдрийн хоол болон оройн хоол идэж болно. Гэхдээ зөвхөн доор заасан өдөр болон оройн хоолыг идэж заншина. Өдөр, оройн хоолон дээр заавал 1 бүтэн алим иднэ. 

 Үүнд: 1 ширхэг алим, хар талх 1-2 зүсэм, бүхэл үрийн нарийн боов, жигнэсэн ногоотой салат /төмснөөс бусад/, туна загас, тахиан цээж мах, брокколи, тараг, хөц болон гурвалжин будаа, чанасан өндөг гэх мэтээс сонгон орой болон, өдрийн хоолонд идэж болно.

Ингээд дэглэмийг сайн бариарай. Танд амжилт хүсье.

Эх сурвалж: 1000jor.mn