ЭМЯ-ны шуурхай удирдлагын төвөөс мэдээлж байна /2017.01.24/

-       Нийслэлийн эмнэлгүүдэд 1897 насанд хүрэгчдийн орон дээр 1742 хүн хэвтэн эмчлэгдэж, нийт орны ачаалал нэмэгдээгүй байна.

-       Хүүхдийн 789 батлагдсан орон дээр 729 хүүхэд хэвтэн эмчлэгдэж, орны ачаалал хэтрээгүй байна.

Эх сурвалж: НЭМГ

ХӨСҮТ-д хандагсадын мэдээ:

Эх сурвалж: ХӨСҮТ

• 2017 оны 01-р сарын 23-ны байдлаар нийт 52 өвчтөн хандсан ба өмнөх оны мөн үетэй (n=136) харьцуулахад 2.6 дахин бага байна.
• Нийт тохиолдлуудын 57.7% (n=30) батлагдсанаас 43.3% эмнэлэгт хэвтсэн, 56.4% гэрээр зөвлөгөө авч, өрхийн эмчийн хяналтад орсон байна.
• Харин 42.3% (n=22) онош үгүйсгэгдсэнээс ХТХШ 7(Дерматит-6, Арьсны идээт үрэвсэл-1), улаанбурхан 1(Дерматит-1), улаанбурхан шинжилгээ авсан 1 тохиолдол тус тус байна.

НЯТТ-д хандагсадын мэдээ:

НЯТТ-д он гарсаар 3082 удаагийн холболт хийгдэж, 930 удаагийн яаралтай дуудлагад үйлчилж, 194 нь амьсгалын тогтолцооны өвчин, 4-5 тохиолдол нь осол, гэмтэл байна.

Осголтын улмаас өдөрт дунджаар нэг хүн хандаж байна.

                                                                           Эх сурвалж: НЯТТ

Дэлхий дахинд:

Халдварт саа өвчин, Нигер улсад:

Нигери улсын Сокото мужийн Бондиго орон нутгийн Засгийн газраас вакцинаас дайжсан халдварт саагийн 2-р хэв шинжийг илрүүлсэн байна. 2016 оны 10 дугаар сарын 28-нд уг тохиолдолд саажилт илэрсэн. 12-р сарын 14-нд хавьтлыг тусгаарласан байна. Эхний индекс тохиолдлыг илрүүлсний дараа 2016 оны 12-р сарын 3-6-нд амаар халдварт саагийн вакцины 2-р хэв шинжийн вакцинаар дархлаажуулсан. 

2016 оны 12-р сарын 16-наас 19-ны хооронд улсын хэмжээнд  mOPV2 вакцины хариу арга хэмжээг хэрэгжүүлсэн байна.  ДЭМБ-аас эрсдэлийн үнэлгээ хийж, өндөр эрсдэлтэй гэж үзсэн байна.

Эх сурвалж: ДЭМБ