Дүүргийн эрүүл мэндийн төвийн шүдний кабинетийн эмч, сувилагч нар сургалтанд хамрагдлаа

Нийслэлийн эрүүл мэндийн газар, нийслэлийн Шүд, Эрүү Нүүрний төвтэй хамтран өнгөрөгч гуравдугаар сарын 28, 29-ний өдрүүдэд “Дүүргийн эрүүл мэндийн төвийн шүдний кабинетийн өнөөгийн тулгамдаж буй асуудлууд” сэдвээр сургалт зохион байгууллаа.

Энэхүү сургалтанд нийт 170 эмч, мэргэжилтэн хамрагдсан бөгөөд өнөөгийн нөхцөлд өөрсдийн тулгамдаж буй асуудал, практикт тохиолдсон ховор төрлийн өвчний оношлогоо, эмчилгээний талаар харилцан ярилцаж, мэдлэг туршлагаа солилцлоо.