Хачигт халдвараас урьдчилан сэргийлье

Нийслэлийн эрүүл мэндийн газраас хачигт халдвар гэж юу болох, түүний шинж тэмдэг, төрөл зүйлийн онцлог, урьдчилан сэргийлэх зөвлөмж, яаралтай үед авах арга хэмжээ зэрэг цаг үеийн мэдээллийг иргэд, олон нийтэд хүргэж байна. Хүний бие махбодид хачгаар дамжин үүсч байгаа байгалийн голомтот зоонозын өвчнийг ХАЧИГТ ХАЛДВАР гэж нэрлэдэг. Нийслэлийн хэмжээнд он гарснаас хойш хачгаар дамжих халдварын нийт 41 тохиолдол бүртгэгдсэн бөгөөд тэдгээрийн 6 нь хачигт халдвар болох нь батлагджээ.