Анагаахын шинжлэх ухаанд Монгол эрдэмтэн амжилт гаргалаа

Доктор, профессор Б.Бумдэлгэр Япон улсын Хирошимагийн их сургуульд зүрх судасны чиглэлээр суралцаж төгсөөд өдгөө тус сургуульд багшилж байна. Тэрээр ясны сийрэгжилтээс сэргийлдэг остеопротегерин гэх уураг нь яснаас гадна хэвлийн судасны цүлхэн үүсгэх эмгэгээс сэргийлдэг болохыг баталжээ. Мөн тухайн өвчний үүсгэгч эмгэг жамын нарийн механимзмыг гүнзгий судалж, анагаах ухааны шинэ нээлт хийжээ.

Хэвлийн судасны цүлхэн үүсэх өвчин нь ихэвчлэн өндөр настнуудад тохиолддог, архи, тамхины хэрэглээ, таргалалт, хөдөлгөөний хомсдолтой болохыг тогтоосон байдаг. Доктор Б.Бумдэлгэрийн энэхүү нээлт 2016 онд Анагаахын шинжлэх ухаанд гарсан Монголын төдийгүй дэлхийн хэмжээний томоохон амжилт байлаа.

2017-01 сар. “Зиндаа” сэтгүүл №2 /502/