Бороотой үед нүүрээ хэрхэн арчлах вэ?
Бороо орж, цаг агаарын байдал байнга өөрчлөгдөж байгаа үед нүүрээ хэрхэн арчлах талаар зөвлөгөө бэлтгэлээ.
-Нүүрээ сайн угааж, цэвэрлэж байх хэрэгтэй гэдгийг уншигч та хэнээр ч хэлүүлэлтгүй мэдэж байгаа байх. Үүн дээрээ нэмээд арьсандаа чийгшил сайн өгч байгаарай.
-Бороотой үед ч нарны хамгаалалттай тос түрхэж байгаарай. Нарны тусгал нь бүрхэг өдөр ч арьсанд нөлөөлж байдаг.
-Бороонд норсон арьстай удаан явах нь бохирдол үүсгэж, нүүрээр юм гарахад хүргэдэг. Иймээс арьсаа байнга хуурай байлга.
-Сэрүүн өдөр та цангахгүй байсан ч 8-10 аяга ус заавал ууж байгаарай. Хүний бие, арьс нь усаар дутагдаж байдаг.
-Бороотой гэлтгүй ямар ч үед гараараа нүүрэндээ бүү хүр. Хүний гарт наалдсан нян арьсанд тарж батга үүсгэнэ.
-Арьсаа долоо хоногт 1-2 удаа гуужуулж байгаарай. Гуужуулсныхаа дараа тэжээл сайн өг.
-Нойроо сайн ав. Унтахад хамгийн тохиромжтой цаг бол 22:00-23:00 байдаг. Энэ үед нойрсож байх нь арьсыг хамгийн сайн амраадаг.
О.Саша
Холбоотой мэдээ
Сэтгэгдэл ( 0 )