СЭРЭМЖЛҮҮЛЭГ | ДОХ-ын 2 тохиолдол ИЛЭРЧЭЭ

Улаанбаатар хотод 2019 оны арванхоёрдугаар сард ДОХ-ын 2 тохиолдол илэрчээ. Ингэснээр  улсын хэмжээнд бүртгэгдсэн ДОХ-ын нийт тохиолдол 286 болсон байна.

Сануулахад, 2019 оны зургаадугаар сард улсын хэмжээнд бүртгэгдсэн ДОХ-ын нийт тохиолдол 274 болж байсан. Тэгэхээр хагас жил буюу зургаан сарын дотор шинээр 12 тохиолдол бүртгэгджээ.

Тэгвэл 2018 онд шинээр 16 тохиолдол оношлогдож байсан билээ.

ХДХВ/ДОХ-ын халдварт олон хүчин зүйл нөлөөлж байна гэж эрүүл мэндийн байгууллагаас мэдэгддэг. Тухайлбал:

• Өндөр эрсдэлтэй зан үйл, ижил хүйстнүүд, бэлгийн олон хавьтагчтай байх
• Нийт хүн ам болон эрсдэл өндөртэйд тооцогдох бүлгийн дунд БЗДХ өргөн тархсан
• ХДХВ-аас хамгаалах мэдлэг мэдээлэл дутмаг
• Биеэ үнэлэгчид тасралтгүй өсөн нэмэгдэж байгаа
• Бэлгэвчийн хэрэглээ бага
• Гадаад болон дотоод шилжилт хөдөлгөөн их
• Ялгаварлан гадуурхалт
• Архи хэтрүүлэн хэрэглэх зэрэг хүчин зүйлс нөлөөлж байна.
• Халдварын тархалт ижил хүйстэн болон эмэгтэй биеэ үнэлэгчид гэсэн хүн амын хоёр  бүлэгт төвлөрч байна.