ДЭМБ-ын Ерөнхий захирлыг огцруулах нэг сая гарын үсэг цугларчээ

Б.Аззаяа | Zindaa.mn
2020 оны 04 сарын 27

 

Дэлхий дахиныг хамарсан цар тахлын үеэр гүйцэтгэх удирдлагаар хангаагүй, стратегийн бодлого, төлөвлөлтийг бүрэн хийж чадаагүйн улмаас халдварыг хяналтад авч чадаагүй гэж үзэн нэг сая гаруй хүний гарын үсэг цугларчээ.

ДЭМБ-ын Ерөнхий захирал Тедрос Гебрейсиусыг барууны хэд, хэдэн хэвлэл мэдээллийн хэрэгслээр террорист бүлэглэлтэй холбоотой байсан тухай мэдээлсэн ч одоогоор энэ мэдээлэл тодорхой болоогүй байна.

Түүнийг огцруулахад АНУ болон Өмнөд Солонгосын иргэд дийлэнх гарын үсэг цуглуулжээ.

Өнгөрсөн оны сүүлээр БНХАУ-ын Хубэй мужийн Ухань хотоос анх дэгдсэн “ковид-19” вирусний халдвар дэгдээд аль хэдий нь дөрвөн сар өнгөрсөн ч вирусний гарвалийг тогтоогүйгээр барахгүй, хэрхэн тэмцэх стратеги тодорхой бус байгаа нь ДЭМБ-ын удирдлагуудын буруу гэж үзэх хэсэг цөөнгүй байгаа юм.

Эх сурвалж: Korea Times

 

Top