Зай барих ХОЁРДУГААР шатны арга хэмжээ үр дүнд хүрчээ

Өмнөд Солонгосын Засгийн газар өчигдөр мэдээлэхдээ, ард иргэд зайгаа барьж харилцах хоёрдугаар үе шатны арга хэмжээнд идэвхтэй оролцож, хэрэгжүүлсний улмаар илэрхий үр дүнд хүрч, Өмнөд Солонгосын ганц өдөрт Ковид-19 цар тахлын бүртгэлийн тохиолдол зургаа хоног дараалан 200-д хүрэхгүй болжээ.

Онцгой байдлыг зохицуулах газрын албаны хүн мөн өдрийн хэвлэлийн бага хуралд хэлэхдээ, ард иргэд өдөр тутмын амьдралд дөхөм бус байсан ч чадах хирээр засгийн газрын тахлын эсрэг арга хэмжээг хэрэгжүүлж, өнөөгийн байдлаар хяналт сэргийлэлтийн арга хэмжээ үр дүнд хүрч, ялангуяа нийслэлийн тойронд ганц өдрийн Ковид-19 цар тахлаар өвчилсөн өвчтөний тоо хоёр хоног дараалан 100-д хүрэхгүй болж, халдварын байдал тогтворжиж байна гэжээ.

Өмнөд Солонгосын Засгийн газар энэ сарын 4-ний өдөр Нийслэлийн тойрогт цар тахлын эсрэг арга хэмжээг эрчимжүүлэхийг энэ сарын 13-ны өдөр хүртэл сунгахын зэрэгцээ үргэлжлэн бүх улсын хэмжээнд зайгаа барьж харилцах 2-р үе шатны арга хэмжээний бодлогыг тус сарын 20 хүртэл хэрэгжүүлэх болно гэж зарлажээ.

Эх сурвалж: Синьхуа агентлаг