Хөнгөн өвчилсөн иргэдийг гэрээр эмчлэх төлөвлөгөө ӨНӨӨДРӨӨС хэрэгжинэ

Эрүүл мэндийн яамнаас коронавируст халдварын нөхцөл байдлын талаар мэдээллийг өгч байна. /2021.03.17/

Коронавирусний хөнгөн хэлбэрээр өвчилсөн иргэдийг өнөөдрөөс эхлээд гэрээр эмчлэх төлөвлөгөө хэрэгжиж эхэлж байна гэв. Нийт өвчлөгсдийн 80-90 хувь нь хөнгөн хэлбэрээр өвдөж байна. Хөнгөн хэлбэрээр өвчлөгсдийг  10-14 хоногийн хугацаанд эмчлэхэд хэрхэн өөрчлөлт гарч байгаа вэ гэсэн  судалгааг  өнгөрсөн хугацаанд хийж, хуримтлуулсан. Хөнгөн хэлбэрийн тохиолдлуудаас маш цөөн тохиолдол нь хүндэрч байгаа. Иргэдийг гэрээр эмчлэхдээ тухайн хүний гэрийн орчин нөхцлийг анхаарч үзнэ. Ахмад настай иргэд, хууч өвчтэй хүмүүс, бага насны хүүхдүүд тухайн гэрт байдаг бол өвчтэй иргэнийг эмнэлэгт хэвтүүлэн эмчлэх аж. 

Халдвар их тархсан тохиолдолд яах вэ гэдэг талаас яах вэ гэдэг талаас өчигдөр  Шадар сайдтай ярилцсан. Өнөөдрийн байдлаар орны тоо, эмч нарын хүрэлцээ дутагдсан зүйл байхгүй. Одоогийн нөхцөл байдлаар халдварыг хяналтаасаа бүр алдсан зүйл бол байхгүй гэсэн мэдээллийг өглөө.