С.Амарсайхан: Хөнгөн хэлбэрээр өвчилсөн иргэдийг гэрт нь тусгаарлана

2021 оны 03 сарын 17

Монгол Улсын Шадар сайд С.Амарсайхан Эрүүл мэндийн яаманд ажиллаж, өгсөн үүрэг, даалгаврынхаа биелэлтийг шалгав.

Халдварын тархалт, цаг үeийн нөхцөл байдалтай уялдуулан хийж байгаа ажил, тусгаарлах байр, эмнэлгийн орны ачаалал, дархлаажуулалтын явцын талаар Эрүүл мэндийн яам, холбогдох байгууллагын удирдлагууд танилцууллаа.

Эмчлүүлж байгаа 1100 гаруй хүний 90 орчим хувийнх нь биеийн байдал хөнгөн байгаа учир гэрээр эмчлэх боломжтой гэж Улсын онцгой комиссын Шуурхай штабын дэргэдэх Эрдэмтдийн зөвлөл үзсэн байна. Энэ дагуу хөнгөн хэлбэрээр өвдсөн иргэдийг өнөөдрөөс нэн даруй гэрт нь тусгаарлаж эхлэхийг Шадар сайд үүрэг болгов.

Иргэдэд тухайн дүүрэг, хорооны хэсгийн ахлагч, олон нийтийн цагдаа, СӨХ-ийн ажилчид хяналт тавина. Өрхийн эмнэлгийн ажилчид болон явуулын баг эмчилгээ, оношилгоог хариуцах юм. Цаашид шаардлагатай гэж үзвэл спортын төвүүдэд ор дэлгэж, резидент эмч нарыг дайчилна.

Эх сурвалж: Шадар сайдын Ажлын алба.

Сэтгэгдэл ( 2 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
26 р хороо (103.57.92.21)  2021 оны 03 сарын 17

БЗД н 26 р хорооны хориогоо цуцлаачээ дүүргийн шуурхай албаа хянаачээ хүнс ,бусад хангалтыг бүрэн хаасан байна

0  |  0
Иргэн (202.21.115.82)  2021 оны 03 сарын 17

За за одоо Ч ёстой хяналтаа алдаж арчаагаа алдах юм байна Л даа , АМЬ АМИА БОДООРОЙ ХҮМҮҮСЭЭ

1  |  0
Top