ДУНДГОВЬ: Батлагдсан тохиолдлын ойрын хавьтлын хариу бүгд СӨРӨГ гарлаа

Улаанбаатар хотод гуравдугаар сарын 12-ны өдөр батлагдсан тохиолдлын дагуу Дундговь аймагт хийсэн тандалт судалгаагаар гарсан ойрын болон дам хавьтал болсон иргэдээс коронавирусний халдвар илрүүлэх PCR шинжилгээний сорьцыг авах ажлыг гуравдугаар сарын 15-16-ны өдрүүдэд шинжилгээний явуулын 5 баг гарган, зохион байгуулжээ. 

Нийт 340 сорьцыг Халдварт өвчин судлалын үндэсний төвд хүргүүлэн шинжилгээнд оруулахад өнөөдрийн 09:00 цагийн байдлаар ойрын хавьтал 26 хүний шинжилгээний хариу бүгд “сөрөг” буюу коронавирусний халдваргүй гарлаа.

Дам хавьтал иргэдийн шинжилгээний хариу одоогоор гараагүй байна гэж Дундговь аймгийн Эрүүл мэндийн газраас мэдээллээ.