БНСУ-д ажиллах 4500 иргэнийг бүртгэнэ

Хөдөлмөр, халамжийн үйлчилгээний ерөнхий газраас БНСУ-д ажиллах хүсэлтэй иргэдийн шалгалтын бүртгэлийн талаар мэдээлэл хийлээ. Тус газрын хувьд БНСУ-ын Аж үйлдвэр, хүний нөөцийн газартай хамтран ажиллах хүсэлтэй хүмүүсийг хариуцан ажилладаг бөгөөд энэ жилийн хувьд 4500 иргэнийг бүртгэх ажээ. 

Солонгос хэлний түвшин тогтоох шагналтыг энэ сарын 26-ны өдөр цахимаар зохион байгуулах юм. Шалгалтын хуваарь 24 ам.доллар бөгөөд долоодугаар сарын 1-ний өдрөөс 28 ам.доллар болж нэмэгдэх болсон талаар албаныхан мэдээллээ. 

Дашрамд өгүүлэхэд, Цахим бүртгэлийн линк болон бүртгүүлэх видео зааварчилгааг өнөөдөр Хөдөлмөр, халамжийн үйлчилгээний ерөнхий газрын цахим хуудас болох (http://hudulmur-halamj.gov.mn, monkor.net) хуудсанд байршуулах юм.