Монгол Улсын Ерөнхийлөгч У.Хүрэлсүх ээжүүдэд "Алдарт эх"-ийн одон гардууллаа.
Энэ өдөр цэнхэр үст Э.Цэрэн алдарт эхийн II зэргийн одонгоор энгэрээ мялаав. Тэрбээр одон авах болзол хангаж, дөрвөн хүүхэд төрүүлсэн ч бичиг баримтаа бүрдүүлж өгөхгүй байсаар өдийг хүрсэн байжээ.
Сануулахад, Хуульд зургаан хүүхэд төрүүлж, өсгөсөн эхийг I зэргийн одонгоор, дөрвөн хүүхэд төрүүлж, өсгөсөн эхийг II зэргийн одонгоор шагнана гэж заасан байдаг.
Энэ жил "Алдарт эх"-ийн одонг улсын хэмжээнд нийт 12,559 ээж хүртжээ. Үүнээс I зэргийн одонгоор 912 ээж, II зэргийн одонгоор 11,647 ээжийг шагнах тухай Монгол Улсын Ерөнхийлөгчийн зарлиг гарсан юм.
МОНГОЛ УЛСЫН ЕРӨНХИЙЛӨГЧИЙН ЗАРЛИГААР
Нийслэлийн 9 дүүргээс нийт 5,429 ээж, үүнээс I зэргийн одонгоор 349 ээж, II зэргийн одонгоор 5,080 ээж,
21 аймгаас нийт 7,056 ээж, үүнээс I зэргийн одонгоор 560 ээж, II зэргийн одонгоор 6,496 ээж,
Гадаадад оршин суугаа нийт 74 ээж, үүнээс I зэргийн одонгоор 3 ээж, II зэргийн одонгоор 71 ээжийг тус тус шагнахаар болжээ.
Сэтгэгдэл ( 2 )
Bi bur 1 gej bodoj blaa
Баяр хүргье.4 хүүхэдтэй байсан юм уу.3 гэж бодож байлаа