Бүсийн наадам болох АЙМГУУДЫГ ТАНИЛЦУУЛЖ БАЙНА

Шадар сайд өчигдөр /2022.06.08/ мэдээлэл хийх үеэрээ баяр наадмын тухай зарим зүйлсийг тодруулж хэлсэн. Тодруулбал, орон нутгуудын баярын наадмын хуваарь, бүсийн хурдан морины уралдааны тов зэргийг тэрбээр өчигдөр дэлгэрүүлсэн билээ. 

Мэдээлэлд дурдагдснаар:

• 2022.07.22-24: Шигшмэл хурдан морьдын “Их хурд-9” уралдаан ХЭНТИЙ АЙМАГТ
• 2022.07.29-31: Баруун бүсийн хурдан морины уралдаан ХОВД АЙМАГТ
• 2022.07.29-31: Төвийн бүсийн хурдан морины уралдаан НАЛАЙХ ДҮҮРЭГТ  
• 2022.07.29-31: Хангайн бүсийн хурдан морины уралдааныг ХӨВСГӨЛ АЙМАГ
• 2022.07.29-31: Говийн бүсийн хурдан морины уралдааныг ДУНДГОВЬ АЙМАГТ
• 2022.07.29-31: Зүүн бүсийн хурдан морины уралдааныг СҮХБААТАР АЙМАГТ
• 2022.07.29-31: Зуны бүсийн хурдан морины уралдааныг ӨВӨРХАНГАЙ, БАЯНХОНГОР, ДОРНОГОВЬ, ӨМНӨГОВЬ аймгийн тэгш ойн баяр наадамтай хамтатган зохион байгуулна. 

Түүнчлэн улс болоод бусад аймгуудын баяр наадам зэрэг буюу долдугаар сарын 10-13-ны өдрүүдэд болох бөгөөд дээрх бүсийн наадамтай аймгуудын хувьд баяр наадмаа алинтай нь давхцуулахаа өөрсдөө шийдэж болох эрхийг Засгийн газраас өгсөн байна.

Энэ жилийн хувьд Өвөрхангай, Баянхонгор, Хөвсгөл, Дархан-Уул, Дорноговь, Өмнөговь аймаг 90, 91 жилийн ойн баяр наадамтай бол Дундговь, Сүхбаатар аймаг байгуулагдсаны 80 жилийн ой энэ онд тохиож буй юм.