Найман сартай нярайд туслах ХУРДАН УДМЫН адууны ХАНДИВЫН сугалаанд оролцоорой

Цусны цагаан эсийн цочмог хорт хавдар туссан найман сартай нярайд тусалж, хурдан удмын адууны хандивын сугалаанд оролцохыг хүсэж байна. 

Хорвоод хүн болж мэндлээд наймхан сарын хугацаа өнгөрч байгаа нялх охин хүнд өвчинтэй тэмцэж, эмнэлгийн орон дээр хэвтэж байна. 

Э.Ивээлбадам охин одоо найман сартай. Хоёр сарын өмнө буюу өнгөрсөн дөрөвдүгээр сард гэнэт бие нь өвдөж, ээж, аав нь эмнэлэг барааджээ. Эх хүүхдийн эрүүл мэндийн төвд үзүүлэхэд Цусны цагаан эсийн цочмог хорт хавдар гэсэн онош батлагдсан байна. Улмаар яаралтай эмчилгээнд орохоор Турк улсын Стамбул хотын Медикал парк эмнэлгийг зорьж, эмчилгээ хийлгэж байгаа юм. Охины эмчилгээний зардалд одоо 170 сая орчим төгрөг шаардлагатай байгаа. Тиймээс охины гэр бүл сайхан сэтгэлт хүмүүсийн дэмжлэгтэйгээр Улсын их баяр наадам болон бүсийн уралдаануудад түрүүлж, айрагдсан адуунуудын угшилтай 5 хурдан удмын адууны хандивын сугалааг зохион байгуулж байна.

Говь нутгаас төрөн гарсан Өмнөговь аймгийн Булган сумын харьяат  Монгол улсын тод манлай уяач Намдагын Хүрлээ, Дундговь аймгийн Хулд сумын харьяат Бандиагийн Баярсайхан, Дундговь аймгийн Хулд сумын харьяат Монгол улсын Алдарт уяач Жаргалсайханы Эрдэнэтөгс, Өмнөговь аймгийн Цогтцэций сумын харьяат аймгийн Алдарт уяач Төмөртогоогийн Батмөнх нарын эрхэм уяачдын хөдөлмөр зүтгэлээр бий болгосон Улсын их баяр наадам, Улсын бүсийн уралдаануудад түрүүлж айрагдсан адуунуудын угшилтай 5 хурдан удмын адууны хандивын сугалааг явуулж, олсон орлогыг 100 хувь эмчилгээний зардалд зориулна.

Тиймээс халуун сэтгэлт монголчуудаасаа хандивын аянд нэгдэхийг хүсэж, морь сонирхогч олныг хандивын сугалаанд оролцохыг Э.Ивээлбадам охины ар гэрээс хүссэнийг дамжуулан хүргэж байна. 

Сугалаанд оролцож буй хурдан удмын адуунууд: