35 хүний амь аварсан монгол залууг ОХУ-ын “ХАЛУУН ЗҮРХ” тэмдэгээр шагналаа
Зургаадугаар сарын 12-нд болсон Оросын өдрийг тохиолдуулан 35 хүний алтан амийг аварсан, тэр тусмаа галын голомтоос ноцтой гэмтсэн таван хүний амь насыг аварч, Гачуурт голд живж байсан авто тээврийн хэрэгслээс гурван хүний амийг аварсан НОБГ-ын аврах ангийн аврагч С.Билэгжаргалыг “Горячее сердце” (Халуун зүрх) хүндэт тэмдэгээр шагналаа.
2021 онд нийт 35 аюулт үзэгдэл, ослын дуудлагаар ажиллаж, 35 хүний алтан амийг аварсан НОБГ-ын аврагч С.Билэгжаргалыг Бүх Оросын төр олон нийтийн “Горячее сердце” санаачилгын зохион байгуулах хорооны шийдвэрээр “Халуун зүрх” хүндэт тэмдэгээр шагнажээ.
22 настай С.Билэгжаргал энэхүү шагналыг авч буй хоёр дахь монгол иргэн юм.
Өнгөрсөн долоон жилийн хугацаанд өөрийнхөө улсын эр зоригтой, идэвхтэй иргэн байж, амьдралын хүнд хэцүү нөхцөл байдлыг даван туулахын үлгэр жишээг харуулсан ОХУ-ын болон гадаадын 1020 гаруй иргэнийг “Халуун зүрх” тэмдэгээр шагнасан байна.
2020 онд ОХУ-ын энэхүү нэр төртэй шагналаар Үндэсний Батлан хамгаалахын их сургуулийн дэргэдэх Тэмүүжин-Өрлөг сургуулийн сонсогч, голын усанд живж байсан 9 настай хүүг өөрийн амийг үл хайхран аварсан Б.Тэмүүжинг шагнасан билээ.
Холбоотой мэдээ
Сэтгэгдэл ( 4 )
Иймэрхүү тэмдгийг хүний амь аврахгүйгээр зүгээр хүрч ирээд надаас авч болно.
Энэ ч их гүрний дээрэнгүй үзлийн нэг илрэл, монгол улс ийм тохиолдолд шагнадаг өөрийн гэсэн шагналтай биз дээ, оросын өдөр маньд ямар хамаатай юм, монголд оросын өдрийг тэмдэгэлэх нь зөв үү
Монгол улс гэж тусгаар улс биздээ. Орос улс ямар учиртай сүжрээд байна. Манай засаг төр л шагнамаар юм. Нэг л учиртай шүү. Аль эсвэл одон тэмдэг нь хогь шиг болчихоод зүгээр хаяхаар хөршдөө өгье гэж бодсын болуу.. Монголчууд зүгээр байхад хонь өгдөг юм ,адуу тэмээ өгч магадгүй гэж бодсон юм болов уу...ха .ха хэээ
Оросууд одоо монголчуудад өөрсдийнхөө одон шагналыг дураараа өгч эхэллээ. Энэ хэрхэвч байж болохгүй асуудал ш тээ. Оросын өдөр монголчуудад ямар хамаатай юм бэ