Өнгөрсөн хоногийн аадар борооны улмаас 89 дуудлага иржээ

2022 оны 06 сарын 19

ОНЦГОЙ БАЙДЛЫН АЮУЛГҮЙ БАЙДЛЫГ ХАНГАЖ 27 БАЙРШИЛД ҮҮРЭГ ГҮЙЦЭТГЭЖ АЖИЛЛАВ

Өнгөрсөн хоногийн түр зуурын хүчтэй салхи, аадар борооны улмаас нийслэлийн нутаг дэвсгэрт айлын хашаа байшин, гэр, орон сууцны зоорийн давхар усанд автсан, нурсан, байшингийн дээвэр хууларч унасан зэрэг 89 дуудлага ирж, дүүргийн Онцгой байдлын хэлтэс, Гал түймэр унтраах, аврах ангиудын бүрэлдэхүүн 27 байршилд очиж, шуурхай арга хэмжээ авч аюулгүй байдлыг хангаж ажиллалаа.

Хамгийн олон нь буюу 25 дуудлага Сонгинохайрхан дүүрэгт бүртгэгдэж, гэр, хашаа байшин руу ус орлоо гэсэн дуудлага зонхилжээ.

Үер усны аюулаас сэрэмжтэй байхыг Нийслэлийн Онцгой байдлын газраас анхааруулж байна.

Сэтгэгдэл ( 0 )

Сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй.
Top