Цэцэрлэгийн бүртгэлтэй холбоотой ТҮГЭЭМЭЛ АСУУЛТ, ХАРИУЛТ

E-Mongolia системээр өнөөдрөөс эхлэн цэцэрлэгт хамрагдах хүүхдүүдийг бүртгэж байгаа. Энэхүү цахим бүртгэлтэй холбоотой түгээмэл асуулт, хариултыг хүргэж байна. 
 

• Цахим бүртгэл хэзээ дуусах вэ?

Бүртгэл аравдугаар сар хүртэл гурван удаа явагдана. (8 сарын 10-24, 9 сарын 5-30, 10 сарын 3-24 гэхчлэн). Энэ удаагийн бүртгэл наймдугаар сарын 24-нийг хүртэл үргэлжилнэ. Үүн дараа буюу наймдугаар сарын 25-наас таны хүүхдийн хуваарилагдсан цэцэрлэгийн талаар хариу мэдэгдэл илгээнэ. 
 

• Өмнө нь хамран сургах тойргийнхоо цэцэрлэгт явж байсан хүүхдийг дахин бүртгүүлэх шаардлагатай юу?

Та заавал E-Mongolia системээр нэвтэрч, баталгаажуулах шаардлагатай. 
 

• Бүртгэлээ буруу хийсэн бол засварлаж болох уу?

Дахин нэвтэрч, бүртгэлээ засварлах боломжтой. Эцэг, эхчүүд хүүхдийнхээ бүртгэлийг хийхдээ өмнөх цэцэрлэгийн бүртгэлийн талаарх мэдээллийг нягтлахгүйгээр буруу бүртгүүлэх тохиолдол олон гарч байна. Тиймээс асуулт бүрийн хариултаа нягтлахыг анхааруулъя. 
 

• Зөвхөн нийслэлийн хүүхдүүд цахимаар бүртгүүлэх үү?

Цахим бүртгэл нь зөвхөн нийслэлийн хүүхдүүдэд л хамаатай. Орон нутгийн цэцэрлэгийн бүртгэл уламжлалт аргаар явагдана. Өөрөөр хэлбэл, орон нутгийн бүртгэлийг харьяа цэцэрлэг дээр нь хийнэ.
 

• "E-Mongolia" аппликейшн руу нэвтэрч болохгүй, эсвэл "Нийслэлийн цэцэрлэгт хамрагдах хүсэлт" цэс гарч ирэхгүй байна, яах вэ?

Хэрэв аппликейшнаар ороход цэс гарч ирэхгүй, эсвэл нэвтэрч болохгүй алдаа зааж байвал https://e-mongolia.mn/home сайтаар нэвтэрч, бүртгүүлээрэй. 
 

• Цахимаар бүртгүүлэх боломжгүй бол яах вэ?

Цахимаар бүртгүүлэх боломжгүй иргэд хамран сургах тойргийнхоо цэцэрлэг дэх Дэмжлэг үзүүлэх ажлын хэсэгт хандан бүртгүүлэх боломжтой.

Цэцэрлэгүүдийн ХАМРАН СУРГАХ ТОЙРГИЙН шинэчилсэн жагсаалтыг ЭНД дарж харна уу.

Бүртгэлтэй холбоотой асуудлыг доорх утсаар лавлана уу!!!