Монгол-Оросын хамтарсан сургууль байгуулна
ОХУ-ын ажлын хэсэг Монгол-Оросын хамтарсан сургууль байгуулах асуудлаар манай улсад ажиллаж байна.
Боловсрол, шинжлэх ухааны дэд сайд Г.Ганбаяр ОХУ-ын Гэгээрлийн яамнаас томилогдсон В.Г.Короленкогийн нэрэмжит Глазовскийн улсын боловсролын дээд сургуулийн төлөөллөөс бүрдсэн ажлын хэсгийнхнийг хүлээн авч уулзлаа.
Өнгөрсөн онд Монгол Оросын Засгийн газар хоорондын комиссын 23 дугаар хуралдааны үеэр Монгол Улсад Монгол-Оросын хамтарсан ерөнхий боловсролын сургуулийг байгуулах ажлыг эрчимжүүлэхээр шийдвэрлэсэн. Энэ дагуу ОХУ-ын Гэгээрлийн яамнаас томилогдсон ажлын хэсэг манай улсад ажиллаж байна.
Монгол-Оросын хамтарсан ЕБС-ийг Сонгинохайрхан дүүрэгт байгуулахаар талууд тохиролцсон. БШУЯ-ны зүгээс хамтарсан сургууль байгуулах боломжтой хоёр сургуулийг санал болгохоос гадна орос багш нарын байрлах орон сууцын асуудлыг тодорхой болгоод байгаа юм.
Хамтарсан сургууль байгуулахад салбар яамны зүгээс бүхий л талаар хамтарч ажиллахад бэлэн гэдгийг БШУ-ы дэд сайд онцлов. Цаашид орос хэлний сургалттай хамтарсан сургуулийг нийслэлийн бусад дүүрэг болон орон нутагт байгуулах сонирхлоо илэрхийллээ. Мөн орос хэлний багш нарын мэргэжлийн чадавхыг дээшлүүлэх чиглэлд хамтарч ажиллах хүсэлтэй байгаагаа хэлэв.
ОХУ-ын В.Г.Короленкогийн нэрэмжит Глазовскийн улсын боловсролын дээд сургуулийн захирал Парфенов Арсений Андреевич “Монголын талын дэвшүүлж буй саналыг судалж, хамтран ажиллах болно” гэв.
Холбоотой мэдээ
Сэтгэгдэл ( 6 )
Орос хэл маш чухал шүү_ ШУ болоод олон талын мэдээлэл авахад, иргэдийн боловсролд орос хэл үнэхээр хэрэгтэй.Зөв асуудал яригдаж.
surguulid bhd oros heliig zaawal surah yostoi hicheeld oruulan zaasan bid bas chamgvil sursan tuhain veiin hvvhdvvd orosoor muugvi yaridag bsan odoo bodohnee hend ch hereggvi hel zaasan blee hereglehgvi bolhoor bvvr martsan
Зөв, орос хэлээр олон улс ярьдаг ю дэлхийн уран зохиолын сорыг орс хэлээр уншиж өслөө, одоо бол залуучууд уншиж үзэг
oros heleer delhiid 350 say yridag tom hel shuu. getel chinii shvteen tsagaa hujaa solongosoor bol 80 say hvrehgui hvn yridag shuu malaa. oros hel bol asar ih material shinleh uhaanii medee material gardag hel shuu..
орос хэл сураад оросоос өөр хаана ярих вэ , Ганбаяр аа одоо 21-р зуун шүү . Алсын хараагүй ажил гэж наадахыг чинь хэльэ, түрэмгийлэгчдийн хэл сураад яах ч билээ больж үз
Орос хэл заах нэрийн дор баахан орсууд орж ирж зүгээр тэжээдэг болох нь. Соц үед орсуудыг зүгээр тэжээдэг МАН -ч мөндөө...