Дугаарын хязгаарлалтад хамаарахгүй хөдөлгөөнд оролцох тээврийн хэрэгслүүд

Хичээлийн шинэ жил эхлэхтэй уялдуулж, автомашины улсын дугаарын сүүлчийн орон нь сондгой /1,3,5,7,9/ тоогоор төгссөн автомашиныг наймдугаар сарын 27, 29, 30, 9 дүгээр сарын 02-ны өдрүүдэд, тэгш /0,2,4,6,8/ тоогоор төгссөн автомашиныг наймдугаар сарын 28, 30, 09 дүгээр сарын 01, 03-ны өдрүүдэд 08:00-20:00 цагийн хооронд хөдөлгөөнд оролцуулахаар Нийслэлийн засаг даргын 2022 оны наймдугаар сарын 24-ний өдрийн А/1117 дугаартай захирамж гарсан.

Үүнтэй холбоотойгоор Цагдаагийн байгууллагаас заасан хязгаарлалт эхлэх цэг болох хойд зүгт 32-ын тойрог, урд зүгт Тэмээтэй хөшөөний уулзвар, Баруун зүгт Саппорогийн тойрог, зүүн тийш Чулуун овооны тойрог хүртэлх нутаг дэвсгэр хамаарсан хэсгүүдэд алба хаагчид хяналт тавин ажиллаж байна.

Захирамжийн хүрээнд хөдөлгөөний хязгаарлалтад хамаарахгүй тээврийн хэрэгслийн мэдээллийг та бүхэнд хүргэж байна.

Үүнд:

-Авто замын засвар,

-Хот тохижилт;

-Шугам сүлжээ;

-Зөөврийн ус хангамж;

-Дипломат байгууллагын автомашин;

-Зочид төлөөлөгчдийн цуваа;

-Нийтийн зорчигч тээврийн хэрэгсэл;

-Стандартын шаардлага хангасан такси;

-Сургууль, цэцэрлэгийн хүүхэд болон ажилчдын автобус;

-Таних тэмдэг бүхий хэвлэл мэдээллийн байгууллагын тээврийн хэрэгсэл;

-Тусгай, дуут болон гэрэл дохиогоор тоноглогдсон, хойшлуулшгүй ажил, үүрэг гүйцэтгэж яваа тээврийн хэрэгсэл хязгаарлалтад хамаарахгүй хөдөлгөөнд оролцоно.

Жич: Дээрх байгууллагуудын ажилчин, алба хаагчид ялангуяа хэвлэл, мэдээллийн байгууллагынхан ажлын газрын үнэмлэхээр хөдөлгөөнд оролцохоор цагдаагийн байгууллагын алба хаагчийн шаардлагыг үл биелүүлж хяналтын цэгт ажиллаж байгаа алба хаагч, тухайн орчмын хөдөлгөөнд хүндрэл учруулж байгааг анхаарна уу.