Land 200-д мөргүүлсэн охиныг ХӨНГӨН ГЭМТЭЛ авсан гэж тогтоожээ

2022 оны аравдугаар сарын 10-ны өдөр Баянзүрх дүүргийн нутаг дэвсгэрт авто замын урсгал сөрж, долоон машин мөргөн, хоёр хүүхэд гэмтээсэн онц ноцтой осол гарсан.  

“Toyota Landcruiser-200” машиныг жолоодож явсан эмэгтэй болон хохирогч хүүхдүүдийн тухай албан ёсны мэдээллийг Тээврийн цагдаагийн албанаас өглөө.

Тус машиныг иргэн Б анх жолоодон хоёр грашын голоос гаргажээ. Ингэх үедээ урд хэсгээрээ граш мөргөсөн тул автомашиныг иргэн М жолоодон хөдөлгөөнд оролцуулсан байна. Тэрээр жолооны үнэмлэхгүй хөдөлгөөнд оролцсон бөгөөд 7 машин, 1 хүүхэд мөргөж гэмтээжээ.

Мөргүүлсэн охин хөнгөн зэргийн бэртэл авсан болохыг Шүүх шинжилгээний байгууллага тогтоосон гэв. 

Хохирогч С нь зүүн өвдгөндөө шарх, баруун шилбэ, зүүн өвдгөнд зулгаралт үүссэн болох нь тогтоогдсон бөгөөд энэ нь гэмтлийн хөнгөн зэрэгт хамаарч байгаа аж. 

Мөн "Иргэн М нь нэр бүхий цагдаагийн даргын охин гэдэг нь ташаа мэдээлэл. Ослын улмаас учирсан хохирлын хэмжээ 117 сая төгрөг хүрсэн" гэдгийг албаныхан мэдэгдлээ.

ВИДЕО МЭДЭЭГ БҮРЭН ЭХЭЭР НЬ ҮЗНЭ ҮҮ!