"Нэг суурин-нэг бүтээгдэхүүн" аяны шилдгүүдийн шагналыг гардууллаа

Засгийн газрын хэрэгжүүлэгч агентлаг Жижиг, дунд үйлдвэрийн газар/SME Agency of Mongolia, Монголын Үндэсний Худалдаа Аж Үйлдвэрийн Танхим, Alibaba GDT Mongolia Institute and Consulting/ "Alibaba ЖиДиТи Монгол" Институттэй хамтран “Нэг суурин – Нэг бүтээгдэхүүн” аяныг "Хил хязгааргүй брэндийг бүтээцгээе" уриан дор амжилттай зохион байгуулсан билээ.

Тус уралдааны шилдгүүдэд шагнал гардуулах ажиллагаа өчигдөр /2022.10.20/ МҮХАҮТ-ын Их танхимд боллоо. Арга хэмжээний нээлтэд Жижиг, дунд үйлдвэрийн газрын дарга Я.Эрдэнэсайхан, “Аликор” ХХК-ийн гүйцэтгэх захирал С.Ундармаа болон тэмцээнийг 3 үеийн турш шүүсэн шүүгчдийн төлөөлөл, шалгарсан багийн гишүүд оролцов.

АЯНЫ ЗОРИЛГО: 21 аймгийн брэнд бүтээгдэхүүнийг тодруулах, жижиг, дунд үйлдвэрлэгчдийг дижитал шилжилтэд бэлтгэх, брэнд бүтээх, бараа бүтээгдэхүүнийг нь дотоодын болон гадаадын зах зээлд сурталчлан таниулах.

Арга хэмжээ: 2022.05.25 - 2022.10.11 хооронд 21 аймгийн 86 жижиг, дунд үйлдвэр эрхлэгч

•  Бараа бүтээгдэхүүнээ танилцуулж,
• Зах зээлээ судлах,
•  Маркетингийн төлөвлөгөө боловсруулах,
• Борлуулалтаа цахим орчинд хэрхэн таниулах вэ зэрэг шалгаруулалтаар 3 үеийн турш өрсөлдсөн юм.

• 1-р байрт шалгарсан “Цайны их зам” ХХК. Тус компани нь Дархан-Уул аймагт эмээл үйлдвэрлэлийн чиглэлээр үйл ажиллагаа явуулдаг бөгөөд 2500 ам.долларын эрх бүхий Alibaba.com платформ дээр дэлгүүр нээх эрхийн эзэн боллоо

•  2-р байрт шалгарсан “Ширхэнцэг өгөөж” хоршоо нь Жижиг, дунд үйлдвэрийн газраас 2023 онд БНСУлсад зохион байгуулагдах “Монголд үйлдвэрлэв” үзэсгэлэнд оролцох эрхийн бичиг

• 3-р байр Өмнөговь аймгийн “Ингэн тагш” ХХК ивээн тэтгэгч Сити компьютерс их дэлгүүрээс “Иж бүрэн компьютер”-ээр шагнуулав.