Кубалагаас Месси хүртэл: Барселона клубын түүхэн дэх 5 шилдэг хөлбөмбөгчин

Олон домогт хөлбөмбөгчид 1xBet букмекерийн компанийн ивээн тэтгэдэг энэ багийн өнгийг хамгаалж байсан билээ. Харин хамгийн агуу нь хэн бэ?
 

5. Ласло Кубала

Ладислав Кубала бол 1950-иад онд Барселона клубын амжилтыг илэрхийлсэн анхны домогт тоглогчдын нэг юм. Унгар гаралтай словак довтлогч тэрээр 1951 онд Барсад нэгдэн, удалгүй багийн гол од нь болсон. Кубала зөвхөн гоол оруулаад зогсохгүй, гайхалтай бөмбөг эзэмшилт, техник, хүчтэй цохилтоороо хамтрагчдаа гоол оруулах боломж бүрдүүлдэг байв. Түүний талбай дээрх харизм шүтэн бишрэгчдийг байлдан дагуулж, тоглолтын хэв маяг нь Барселонаг Испанийн хөлбөмбөгт шилдэг клуб болгожээ.

Кубалагийн ачаар баг нь дөрвөн удаа Ла Лигийн аварга, таван удаа Испанийн цомын эзэн, хоёр удаа Тив хоорондын цомын (одоогийн Европын лигийн өмнөх хувилбар) ялагч болжээ. Тэр Барселонагийн өсөлт, амбицийн бэлгэ тэмдэг болж, 1957 онд алдарт Кэмп Ноу цэнгэлдэхийг барихад гол үүрэг гүйцэтгэсэн юм.
 

4. Хави Эрнандес

Хави Эрнандес бол Барселонагийн “тархи”. Түүний гайхалтай дамжуулалт, тоглолтын хэмнэлийг удирдах чадвар нь түүнийг багийнхаа орлуулашгүй тоглогч болгож байв. Барсад өнгөрүүлсэн 17 жилийн хугацаанд Хави 767 албан ёсны тоглолтод оролцож, клубын хамгийн үнэнч тоглогчдын нэг болсон. Тэрээр Пеп Гвардиолагийн удирдсан, түүхэн дэх хамгийн шилдэг багуудын нэгт багтаж, хөлбөмбөгийг ихээхэн хөгжүүлсэн билээ. Хавигийн тоглолтын арга барил нь өнөөдөр ч довтолгооны хагас хамгаалагчдын үлгэр жишээ хэвээр байна.
 

3. Андрес Иниеста

Иниеста бол эсрэг багийн шүтэн бишрэгчдэд хүртэл хүндлэгддэг ховор тоглогчдын нэг. Түүний тоглолт ухаалаг, уран чадварыг илэрхийлж байв. Хавитай хамт тэрээр Барселонагийн тоглолтын хэмнэлийг олон жилийн турш удирдсан домогт хагас хамгаалагчдын хослолыг бүрдүүлсэн. Иниеста ялангуяа чухал тоглолт, шигшээ уулзалтуудад гайхалтай шийдэл олж, багийнхандаа гоол оруулах боломж бүрдүүлдэг байсан. Тэр бол багийн ахлагч, сэтгэл зүрх нь байлаа. 2018 онд Барселонагаас гарсан түүнийг үдэх ёслол Каталоны хөгжөөн дэмжигчдийг догдлуулсан мөч болсон юм.
 

2. Йохан Кройфф

Йохан Кройфф зөвхөн тоглогч төдийгүй дасгалжуулагчаар Барселонагийн домог болсон. 1970-аад онд тэрээр клубыг удирдан 14 жилийн дараа анх удаа Ла Лигийн аварга болгосон гол тоглогч байлаа. Гурван удаа Алтан бөмбөг хүртсэн тэрээр хөлбөмбөгийн нэгэн үеийн төлөөлөл болсон билээ. Гэхдээ Кройфф зөвхөн талбай дээр суут байсангүй. Дасгалжуулагчийн хувьд тэр бөмбөгийн хяналт, байрлалын тоглолтод суурилсан системийг Барселона клубт нэвтрүүлж, цаашдын  амжилтуудын суурийг тавьсан.
 

1. Лионель Месси

Барселона клуб гэхэд хамгийн түрүүнд санаанд орж ирэх нэр бол Лионель Месси. Аргентины домогт хөлбөмбөгчин энэ багт 21 жил зүтгэж, Ла Масиа академиас эхлээд дэлхийн шилдэг тоглогч болж өссөн билээ.

Месси Барсатай хамт 35 цом хүртэж, үүнд 10 Ла Лигийн аварга, 4 Аваргуудын лигийн түрүү багтана. Гэхдээ түүний гайхамшиг зөвхөн энэ тоогоор хэмжигдэхгүй. Тэрбээр 778 албан ёсны тоглолтод 672 гоол оруулж, клубын түүхэн дэх хамгийн их гоол оруулсан тоглогч болсон. 2009 оны Аваргуудын лигийн шигшээ тоглолтод хийсэн гоол болон Хетафегийн эсрэг ганцаараа бүх хамгаалагчдыг аргалж хийсэн гоол нь хөгжөөн дэмжигчдийн ой санаанд үүрд хоногших агшин болж үлдсэн.

Эдгээр таван тоглогч зөвхөн цом, ялалт авчраад зогсоогүй, Барселонагийн тоглолтын хэв маяг, үнэт зүйлсийг тодорхойлсон билээ. Тэд бүгд өөр өөрийн онцгой нөлөөг тус клубт үзүүлж, Барсаг хөлбөмбөгийн түүхэн дэх хамгийн агуу багуудын нэг болгожээ. Хөгжөөн дэмжигчдийн дунд хэн нь хамгийн шилдэг тоглогч вэ гэдэг маргаан үргэлжлэх нь дамжиггүй. Гэхдээ энэ л Барселонагийн гайхамшиг — хүн бүр энэ клубээс өөрийн баатрын олдог билээ.