Б.Дэлгэрсайхан: Бидэнд өөрсдийн хүчээр хөгжих боломж байна
Багахангай-Хөшигийн хөндийгөөс ”Эмээлт өртөө” хүртэлх төмөр замын хоёрдугаар үе шатны холболтын хэсгийн газар шорооны ажил 48.2 хувийн гүйцэтгэлтэй байгаа бөгөөд доод бүтэц бэлэн болмогц дохиолол, эрчим хүчний шон, кабелийн угсралтыг шууд эхлүүлэхээр “Улаанбаатар төмөр зам” ХНН-ийн инженер техникийн ажилтнууд бэлэн байдлыг ханган ажиллаж байна.
Зам, тээврийн сайд Б.Дэлгэрсайхан: Монгол инженерүүд, операторууд, замын техникийн ажилтнууд төмөр зам, гүүр хоолой барих ажилд бол ур чадвартай, туршлагатай болсон.
Манай үндэсний компаниуд төмөр замын барилга угсралтын орчин үеийн хүнд машин механизм, тоног төхөөрөмжөөр паркаа шинэчилсэн байна. Хүн хүчээ хангалттай бүрдүүлсэн байна.
Энэ бүх туршлага, мэдлэг нь Монгол Улс цаашид гадны хамааралгүйгээр дотоодын болон бүс нутгийн дэд бүтцийн томоохон төслүүдийг бие даан хэрэгжүүлэх бүрэн боломжтойг харуулж байна.
Сэтгэгдэл ( 0 )