ТӨСӨВ: Автомашины татвараар 264.4 тэрбум төгрөг төвлөрүүлнэ

Ирэх онд суудлын автомашины онцгой албан татварын орлогоор 264.4 тэрбум төгрөгийг төсөвт төвлөрүүлэхээр тооцсон байна. Өнгөрсөн жилүүдэд импортолсон суудлын автомашины насжилт, хөдөлгүүрийн төрөл, багтаамж болон импортын төлөв байдал зэрэг хүчин зүйлийг харгалзан ингэж тооцжээ.

Монгол Улсад импортолж байгаа нийт тээврийн хэрэгслийн тоонд эзлэх хос тэжээлт, шингэрүүлсэн хийгээр ажилладаг автомашины тоо дунджаар 35 орчим хувийг эзэлж байгаа аж.