Халдвар авсан 27 хүн эдгэрч, ХӨСҮТ-өөс гарлаа

Эрүүл мэндийн яамнаас өнөөдрийн /2021.03.05/ 11.00 цагийн ээлжит мэдээллээ өглөө. Өнгөрсөн хоногт 27 хүн эдгэрч, эмнэлгээс гарчээ. Түүнчлэн халдварын 77 тохиолдол нэмж бүртгэгдсэн гэлээ.  

Энэ үеэр ХӨСҮТ-ийн Халдварт өвчний тандалт, судалгааны албаны дарга Ж.Байгалмаа "Өнгөрсөн 24 цагийн хугацаанд нийт 13206 хүнд шинжилгээ хийлээ. Үүнээс 77 хүний шинжилгээнээс халдвар илэрлээ. Бүгд Улаанбаатар хотод бүртгэгдсэн. Үүнээс 71 нь ойрын хавьтлын давтан шинжилгээнээс илэрсэн бол таван хүний халдвварын эх уурхайг тодорхойлохоор ажиллаж байна. Харин нэг шинэ голомт бүртгэгдсэн, хавьтал болсон иргэдийг тусгаарласан. Сүүлийн 24 цагт 27 хүн эдгэрч, эмнэлгээс гарлаа. Өнөөдөр 696 хүн эмчлэгдэж байна. Үүнээс гурван хүний биеийн байдал хүнд байна" гэв.